Namo tassa bhagavato arahato sammā sambuddhassa.
Mahānipāto
1. Mugapakkhajātakaṃ
[PTS Page 004] [\q 4/]
4320. Mā paṇḍitiyaṃ1- vibhāvaya bālamato bhava sabbapāṇinaṃ,
Sabbo jano2- taṃ ocināyatu evaṃ tava attho bhavissati.

4321. Karomi te taṃ vacanaṃ yaṃ maṃ bhaṇasi devate,
Atthakāmāsi me amma hitakāmāsi devate.

[PTS Page 012] [\q 12/]
4322. Kinnusantaramānova kāsuṃ khaṇasi sārathi,
Puṭṭho me samma akkhāhi kiṃ kāsuyā karissasi.

4323. Rañño mugo ca pakkho ca putto jāto acetaso,
Sombhi raññā samajjhiṭṭho3- puttaṃ me nikhaṇaṃ4- vane.

4324. Na khadhiro na mugosmi na pakkho napi paṅgulo5-,
Adhammaṃ sārathi kayirā mañce tvaṃ nikhaṇaṃ vane.

[PTS Page 013] [\q 13/]
4325. Ūrū bāhu ca me passa bhāsitañca suṇohi me,
Adhammaṃ sārathi kayirā mañce tvaṃ nikhaṇaṃ vane.

4326. Devatānusi gandhabbo ādu6- sakko purindado,
Ko vā tvaṃ kassa vā putto kathaṃ jānemu taṃ mayaṃ.

4327. Nambhi devo na gandhabbo napi7- sakko purindado,
Kāsirañño ahaṃ putto yaṃ kāsuyā nighaññasi.

1. Paṇḍiccayaṃ - machasaṃ, syā vi 2. Tañajato - machasaṃ, syā
3. Samajjhattho - machasaṃ, syā 4. Nikkhaṇaṃ - machasaṃ, syā
5. Vikalo - syā piṅgalo - machasaṃ 6. Adu - machasaṃ 7. Nāpi nambhi - machasaṃ, syā

[BJT Page 004] [\x 4/]
4328. Tassa rañño ahaṃ putto yaṃ tvaṃ samupajivasi, 1-
Adhammaṃ sārathi kayirā maṃ ve tvaṃ nikhaṇaṃ vane.

4329. Yassa rukkhassa chāyāya nisideyya sayeyya vā,
Na tassa sākhaṃ bhañejayya mittadubho2- hi pāpako.

4330. Yathā rukkho rājā yathā sākhā tathā ahaṃ.
Yathā chāyupago poso evaṃ tvamasi sārathi;
Adhammaṃ sārathi kayirā maṃ ve tvaṃ nikhaṇaṃ2- vane.

[PTS Page 014] [\q 14/]
4331. Pahutabhakkho4- bhavanti vippavuttho5- sakāgharā, 6-
Bahu naṃ upajivanti yo mittānaṃ na dubhati7-

4332. Yaṃ yaṃ janapadaṃ yāti nigame rājadhāniyo, 8-
Sabbattha pujito hoti yo mitatānaṃ na dubhati.

4333. Nāssa corā pasahanti nātimaññeti9- khattiyo,
Sabbe amitte tarati yo mittānaṃ na dubhati.

4334. Akkuddho10- sagharaṃ eti sabhāya11- paṭinandito,
Ñātinaṃ uttamo hoti yo mitatānaṃ na dubhati.

4335. Sakkatvā sakkato hoti garu hoti sagāravo, 12-
Vaṇṇakittibhato hoti yo mitatānaṃ na dubhati.

4336. Pujako labhate pujaṃ vandako paṭivandataṃ,
Yaso kittiñca pappoti yo mitatānaṃ na dubhati.

4337. Aggi yathā pajjalati devatāva virocati,
Siriyā ajahito hoti yo mitatānaṃ na dubhati.

1. Sammupajivasi - machasaṃ 2. Mitatadubbho - machasaṃ, vi 3. Nikkhaṇaṃ - machasaṃ
4. Bahutta - machasaṃ 5. Vipapamutto - 6. Sakaṅgharā - machasaṃ, sya 7. Na dubbhati - machasaṃ 8. Rājaṭṭhāniyo - machasaṃ 9. Nātimaññati - machasaṃ
10. Akuḍo - machasaṃ 11. Sahāyaṃ - machasaṃ 12. Garuko hoti gāravo - machasaṃ

[BJT Page 006] [\x 6/]
4338. Gāvo tassa pajāyanti khette vuttaṃ virūhati,
Vuttānaṃ phalamasanāti1- yo mitatānaṃ na dubhati.

4339. Darito pabbatāno2- vā rukkhāto3- patito naro,
Cuto patiṭṭhaṃ labhati yo mitatānaṃ na dubhati.

4340. Virūḷhamulasantānaṃ nigrodhamiva māluto,
Amittā nappasahanti yo mitatānaṃ na dubhati.

[PTS Page 015] [\q 15/]
4341. Ehi taṃ paṭinessāmi rājaputta sakaṃ gharaṃ,
Rajjaṃ kārehi bhaddante kiṃ araññe karissasi.

4342. Alaṃ me tena rajjena ñātakehi4- dhanena vā,
Yaṃ me adhammacariyāya rajjaṃ labbhetha5- sārathi.

4343. Puṇṇapattaṃ palabbhehi6- rājaputta ito gato,
Pitā mātā ca me dajjuṃ rājaputta tayī gate.

4344. Orodhā ca kumārā ca vesiyānā ca brāhmaṇā,
Tepi attamanā dajjuṃ rājaputta tayī gate

4345. Hatthārūhā7- aṇikaṭṭhā rathikā pattikārakā,
Tepi dajjuṃ patitā me rājaputta tayī gate

4346. Bahu8- jānapadā caññe negamā ca samāgatā, upāyanāni me dajjuṃ rājaputta tayī gate

[PTS Page 016] [\q 16/]
4347. Pitumātu cahaṃ catto raṭṭhassa nigamassa ca,
Atho sakyakumārānaṃ natthi mayhaṃ sakaṃ gharaṃ.

4348. Anuññāto ahaṃ matyā sañcatto pitarā ahaṃ,
Eko araññe pabbajito na kāme abhipatthaye.

4349. Api ataramānānaṃ phalāsāva samijjhati,
Vipakkabrahmacariyosmi evaṃ jānāhi sārathi.

1. Vutatāna phala - machasaṃ 2. Pabbato - machasaṃ 3. Rukkhato - machasaṃ
4. Ñātakena - machasaṃ, syā 5. Labhetha - machasaṃ 6. Maṃ palābhehi - syā, maṃ lābhehi 7. Rohā - machasaṃ, vi 8. Bahuttadhaññā - machasaṃ, syā

[BJT Page 008] [\x 8/]
4350. Api ataramānānaṃ sammadatthā vipaccati.
Vipakkabrahmacariyosmi nikkhanto akutobhayo.

4351. Evaṃ vaggukatho1- santo vissaṭṭhaccano casi, 2 kasmā3pitucca mātucca santike na bhaṇi tadā.

4352. Nāhaṃ asanthitā4- pakkho na badhiro asotatā,
Nāhaṃ ajivhatā5- mugo mā maṃ mugamadhārayi.

4353. Purimaṃ sarāmahaṃ jātiṃ yattha rajjamakārayiṃ,
Kārayitvā tahiṃ rajjaṃ pāpatthaṃ nirayaṃ bhusaṃ.

4354. Visatiñceva vassāni tahiṃ rajjamakārayiṃ,
Asitivassasahassāni nirayamhi apaccisaṃ6-

[PTS Page 017] [\q 17/]
4355. Tassa rajjassahaṃ bhīto mā maṃ rajjābhisecayuṃ,
Tasmā pitucca7- mātucca santike na bhaṇiṃ tadā.

4356. Ucchaṅge maṃ nisīdetvā pitā atthānusāsati,
Ekaṃ hanatha bandhatha ekaṃ khārāpatacchikaṃ8-
Ekaṃ sulasmiṃ appetha9- iccassamanusāsati.

4357. Tassāhaṃ10- pharusaṃ sutvā vācāyo samudiritā,
Amugo mugavaṇṇena apakkho11- pakkhasammato
Sake muttakarisasmiṃ acchāhaṃ samparipaluto.

4358. Kasirañca parittañca tañca dukkhena saṃyutaṃ,
Ko taṃ jīvitamāgamma veraṃ kayirātha kenaci.

4359. Paññāya ca alābhena dhammassa ca adassanā,
Ko taṃ jīvitamāgamma veraṃ kayirātha kenaci.

4360. Api ataramānānaṃ phalāsāva samijjhati,
Vipakkabrahmacariyosmi evaṃ jānāhi sārathi.

1. Vaggukato - machasaṃ 2. Vacanova so - machasaṃ syā 3. Tasmā - vi
4. Asandhitā - machasaṃ, syā 5. Asandhitā - machasaṃ, syā 6. Apaccasaṃ - syā apaccayiṃ - vi 7. Pituva mātuva - machasaṃ, syā 8. Kharā - machasaṃ, syā
9. Uppetha - machasaṃ uppetha - syā 10. Tāsāhaṃ - machasaṃ tyāhaṃ - syā accetha - vi 11. Apakkhe - machasaṃ

[BJT Page 010] [\x 10/]
4361. Api ataramānānaṃ sammadattho vipaccati,
Vipakkabrahmacariyosmi nikkhanto akutobhayo.

[PTS Page 018] [\q 18/]
4362. Ahmapi pabbajissāmi rājaputta tavantike,
Avhayassu maṃ bhaddaneta pabbajjā mama ruccati.

4363. Rathaṃ niyyādayitvāna anaṇo ehi sārathi,
Anaṇassa hi pabbajjā etaṃ isihi vaṇṇitaṃ

4364. Yadeva tyāhaṃ vacanaṃ akaraṃ bhaddamatthu te,
Tadeva me tvaṃ vacanaṃ yācito kattumarahasi.

4365. Idheva tāva acchassu yāva rājānamānaye,
Appeva te pitā disvā pitato sumano siyā.

[PTS Page 019] [\q 19/]
4366. Karomi te taṃ vacanaṃ yaṃ maṃ bhaṇasi sārathi,
Ahmapi daṭṭhukāmosmi pitaraṃ me idhāgataṃ.

4367. Ehi samma nivattassu kusalaṃ vajjāsi ñātinaṃ,
Mātaraṃ pitaraṃ mayhaṃ vutto vajjāsi vandanaṃ.

4368. Tassa pāde gahetvāna katvā ca naṃ padakkhiṇaṃ,
Sārathi rathamāruyha rājadvāraṃ upāgami.

4369. Suññaṃ mātā rathaṃ disvā ekaṃ sārathimāgataṃ,
Assupuṇṇehi nettehi rodanti naṃ udikkhati.

4370. Aya so sārathi eti nihanatvāna mamatujaṃ,
Nihato nūna me putto pathavyā bhumivaddhano.

4371. Amittā nūna nandanti patitā nūna verino,
Āgataṃ sārathiṃ disvā nihanatvāna mamatujaṃ.
4372. Suññaṃ mātā rathaṃ disvā ekaṃ sārathimāgataṃ,
Assupuṇṇehi nettehi rodanti paripucchati2-.

1. Nihanatvā mama atrajaṃ - machasaṃ 2. Rodanti naṃ paripucchi - machasaṃ

[BJT Page 012] [\x 12/]
4373. Kinnu mugo kinnu pakkho kinnu so vilapi tadā,
Nihaññamāno bhumiyā taṃ me akkhāhi sārathi.

4374. Kathaṃ hatthehi pādehi mugo pakkho vivajjayi,
Nihaññamāno bhumiyā taṃ me akkhāhi pucchito.

[PTS Page 020] [\q 20/]
4375. Akkhissaṃ te1- ahaṃ ayye dajjāsi abhayaṃ mama,
Yaṃ me sutaṃ vā diṭṭhaṃ vā rājaputtassa santike.

4376. Abhayaṃ samma te dammi abhito bhaṇa sārathi,
Yaṃ te sutaṃ vā diṭṭhaṃ vā rājaputtassa santike.

4377. Na so mugo na so pakko vissaṭṭha2-vacanova so
Rajjassa kira so bhito akari3- ālaye bahu.

4378. Purimaṃ sarati so jātiṃ yattha rajjamakārayi,
Kārayitvā tahiṃ rajjaṃ pāpattha nirayaṃ bhusaṃ.

4379. Visatiñce ca vassāni tahiṃ rajjamakārayi,
Asiti vassa sahassāni nirayamhi apacci so4-

4380. Tassa rājassa so bhīto mā maṃ rajjābhisecayuṃ, 5-
Tasmā pitucca mātucca6- santike na bhaṇi7- tadā.

4381. Aṅgapaccaṅga sampanno ārohapariṇābhavā,
Vissaṭṭhava vano pañño magge saggassa tiṭṭhati.

4382. Sace tvaṃ daṭṭhukāmāsi8- rājaputti9- tavatrajaṃ,
Ehi taṃ pāpayissāmi yattha sammati temiyo

[PTS Page 021] [\q 21/]
4383. Yojayantu rathe asse kacchaṃ nāgāna10- bandhatha,
Udirayantu saṅkhapaṇavā vadantu11- ekapokkharā.

4384. Nadantu bheri sannaddhā vagguṃ vadatu dundubhī,
Negamā ca maṃ anventu gacchaṃ puttanivedako12-

1. Akkheyyante - machasaṃ, syā 2. Visaṭṭha - machasaṃ
3. Akarā - machasaṃ, syā 4. Apaccisa - machasaṃ
5. Rajjebhisecayuṃ - machasaṃ 6. Pituca mātuva
7. Nabhaṇe - machasaṃ 8. Kāmosi - machasaṃ
9. Rājaputtaṃ - machasaṃ, syā 10. Nāgāni - machasaṃ, syā
11. Vagguvādantu - machasaṃ 12. Nivādako - machasaṃ

[BJT Page 014] [\x 14/]
4385. Orodhā ca kumārā ca vesiyānā ca brāhmaṇā,
Khippaṃ yānāni yojentu gacchaṃ puttanivedako.

4386. Hatthārohā aṇikaṭṭhā rathikā pattikārākā,
Khippaṃ yānāni yojentu gacchaṃ puttanivedako.

4387. Samāgatā jānapadā negamā ca samāgatā,
Khippaṃ yānāni yojentu gacchaṃ puttanivedako.

[PTS Page 022] [\q 22/]
4388. Asse ca sārathi yutte sindhave sīghavāhane,
Rājadvāraṃ upāgañachuṃ yuttā deva ime bhayā.

4389. Thulā javena bhāyanti kisā bhāyanti thāmunā, 1-
Kise thule vivajjetvā saṃsaṭṭhā yojitā bhayā.

4390. Tato rājā taramāno yuttamāruyha sandanaṃ,
Itthāgāraṃ ajjhabhāsi2- sabbāva anuyātha maṃ.

4391. Vāḷavijanimuṇibhisaṃ khaggaṃ chattaṃ ca paṇḍaraṃ,
Upādirathamāruyha suvaṇṇena3- alaṅkato4-

4392. Tato ca rājā pāyāsi purakkhatvāna5- sārathi,
Khippameva upāgañachi yattha sammati temiyo.

[PTS Page 023] [\q 23/]
4393. Tañca disvāna āyantaṃ jalantamiva tejasā,
Khattasaṅghaparibbuḷhaṃ6- temiyo etadabravi.

4394. Kaccinnu7- tāta kusalaṃ kacci tāta anāmayaṃ,
Kacacinnu rājakaññāyo arogā mayha mātaro.

4395. Kusalañceva me putta atho putta anāmayaṃ,
Sabbāva8- rājakaññāyo arogā tuyha mātaro.

4396. Kaccissa majjapo9- tāta kacci te suramappiyaṃ,
Kacci sacce ca dhamme ca dāne te ramati mano.

1. Thāmasā - syā, kāmunā - machasaṃ 2. Abhāsatha - machasaṃ ajjhabhāsittha - vi
3. Suvaṇṇehi - machasaṃ 4. Alaṅkatā - machasaṃ, syā
5. Purakkhitvāna - machasaṃ, syā 6. Paribuḷhaṃ - machasaṃ
7. Kaccinu - machasaṃ 8. Sabbā ca - machasaṃ 9. Kacci amajjapo - machasaṃ syā

[BJT Page 016] [\x 16/]
4397. Amajjapo ahaṃ puttaṃ atho me suramappiyaṃ,
Atho sacce ca dhamme ca dāne me ramati mano.

4398. Kacci arogaṃ yoggaṃ te kacci vahati1- vāhanaṃ,
Kacci te vyādhayo natthi sarirassupatāpanā.

4399. Atho arogaṃ yoggaṃ me ato vahati vāhanaṃ,
Atho me vyādhayo natthi sarirassupatāpanā2-

4400. Kacci antā ca te phitā majjhe ca bahalā tava,
Koṭṭhāgārañca kosaññaca kacci te paṭisanthataṃ. 3-

4401. Atho antā ca te phitā majjhe ca bahalā mama,
Koṭṭhāgārañca kosaññaca sabbaṃ me paṭisanthataṃ.

4402. Svāgataṃ te mahārāja atho te adurāgataṃ,
Patiṭāpentu pallaṅkaṃ pattha rājā nisakkati.

[PTS Page 024] [\q 24/]
4403. Idheva te nisinnassa niyate paṇṇasanthate, 4-
Etto udakamādāya pāde pakkhālayantu te.

4404. Idampi paṇṇakaṃ mayhaṃ randhaṃ rāja aloṇakaṃ.
Maṃ lābhehi 7. Rohā - machasaṃ, vi 8. Bahuttadhaññā - machasaṃ, syā

4405. Na cāhaṃ4- paṇṇaṃ bhuñjāmi na hetaṃ mayha bhojanaṃ,
Sālinaṃ odanaṃ bhuñeja suciṃ6- maṃsupasevanaṃ.

4406. Accherakaṃ maṃ paṭibhāti ekakampi rabhogataṃ,
Edisaṃ bhuñjamānānaṃ kena vaṇṇo pasidati.

[PTS Page 025] [\q 25/]
4407. Eko rāja nipajjāmi niyate paṇṇasanthate,
Tāya me ekaseyyāya rāja vaṇṇo pasidati.

4408. Na ce7- nettiṃsabaddhā me rājarakkhā upaṭṭhitā,
Tāya me sukhāseyyāya rāja vaṇṇo pasidati.

1. Vāhati - machasaṃ, syā vi 2. Tāpiyā - machasaṃ, syā
3. Sandhataṃ - machasaṃ 4. Santhare - machasaṃ
5. Navāhaṃ - machasaṃ 6. Suci - machasaṃ, syā 7. Nava - machasaṃ

[BJT Page 018] [\x 18/]

4409. Atitaṃ nānusocāmi nappajappamanāgataṃ,
Paccuppannena yāpemi tena vaṇṇo pasidati.

4410. Anāgatappajappāya atitassasocanā,
Etena bālā sussanti naḷova bharito luto.

4411. Hatthāṇikaṃ rathāṇikaṃ asse patti ca vammino,
Nivesanāni rammāni ahaṃ putta dadāmi te.

4412. Itthāgārampi te dammi sabbālaṅkarā bhusitaṃ,
Tā putta paṭipajjassu tvaṃ no rājā bhavissasi.

4413. Kusalā naccagitassa sikkhitā caturitthiyo,
Kame taṃ ramayissanti kiṃ araññe karissasi.

4414. Paṭirājuhi te kaññā ānayissaṃ alaṅkatā,
Tāsu putte janetvāna atha pacchā pabbajissasi.
4415. Yuvā ca daharo cāsi paṭhamuppattite susu,
Rajjaṃ kārehi bhaddante kiṃ araññe karissasi.

4416. Yuvā care buhmacariyaṃ brahmacāri yuvā siyā,
Daharassa hi pabbajjā etaṃ isihi vaṇṇitaṃ.

[PTS Page 026] [\q 26/]

4417. Yuvā care buhmacariyaṃ brahmacāri yuvā siyā,
Brahmacariyaṃ carissāmi nāhaṃ rajjenamatthiko.

4418. Passāmi vohaṃ daharaṃ amma tāta vadaṃ naraṃ, 1-
Kicchā laddhaṃ piyaṃ puttaṃ apapatvāna jaraṃ mataṃ.

4419. Passāmi vohaṃ dahariṃ kumāriṃ cāru dassanaṃ,
Naḷavaṃsakaḷiraṃva paluggaṃ jīvitakkhaye.

1. Vadantaraṃ - machasaṃ, syā vi.

[BJT Page 020] [\x 20/]
4420. Daharāpi hi miyanti narā ca atha nāriyo,
Tattha ko vissase poso daharomhīti jivite,

4421. Yasasa ratyā vivasane āyuṃ appataraṃ siyā,
Appodakeva macchānaṃ kinnu komārakaṃ tahiṃ.

4422. Niccamabbhāhato loko niccañca parivārito,
Amoghāsu vajantisu kiṃ maṃ rajjena siñcasi.

4423. Kenamabbhāhato loko kena ca parivārito,
Kāyo amoghā gacchanti taṃ me akkhāhi pucchito.

4424. Maccunābbhāhato loko jarāya parivārito,
Ratyo amoghā gacchanti evaṃ jānāhi khattiya.

4425. Yathāpi tante vitate1- yaṃ yadevupavīyayati,
Appakaṃ hoti vetabbaṃ evaṃ maccāna jīvitaṃ.

4426. Yathā vārivaho puro gacchannupanivatti, 2-
Evamāyu manussānaṃ gacchannupanivattati.

4427. Yathā vārivaho puro vahe rukkhupakulaje, 3-
Evaṃ jarāya maraṇena vuyhante vata pāṇino. 4-.

[PTS Page 027] [\q 27/]
4428. Hatthāṇikaṃ rathāṇikaṃ asse patti ca vammino,
Nivesanāni rammani ahaṃ puttadadāmi te.

4429. Itthāgārampi te dammi sabbālaṅkārabhusitaṃ,
Tā putta paṭipajjassu tvaṃ no rājā bhavissasi.

4430. Kusalā naccagītassa sikkhitā caturitthiyo,
Kāme taṃ ramayissanti kiṃ araññe karissasi.

1. Vitante - machasaṃ, syā 2. Gacchaṃ nuparivattati - machasaṃ gacchaṃ na parivattati - syā 3. Ruhepakulaje. 4. Sabbapāṇino - machasaṃ, syā

[BJT Page 022] [\x 22/]
4431. Paṭipuhi te kaññā ānayissaṃ ajaṅkatā,
Tāsu putte janetvāna atha pacchā pabbajissasi.

4432. Yuvā ca daharo cāsi paṭhamuppattito susu,
Rajjaṃ karehi bhaddante kiṃ araññe karissasi.

4433. Koṭṭhāgārañca kosañca vāhanāni balāni ca,
Nivesanāni rammāni ahaṃ punta dadāmi te.

4434. Gomaṇḍalaparibbuḷho dāsisaṅghapurakkhato,
Rajjaṃ kārehi bhaddanne kiṃ araññe karissasi.

4435. Kiṃ dhanena yaṃ jiyetha kiṃ bhariyāyaya marissati,
Kiṃ yobbanena ciṇṇena yaṃ jarā abhihessati. 1-

4436. Tattha kā vandi kā khiḍḍā kā ratī kā dhanesanā, 2-
Ki me puttehi dārehi rāja muttosmi bandhanā.

4437. Sohaṃ evaṃ pajānāmi maccu me nappamajjati,
Antakenādhipantassa kā rati kā dhanesanā.

[PTS Page 028] [\q 28/]
4438. Phalānamiva pakkānaṃ niccaṃ patanato bhayaṃ,
Evaṃ jātānamaccānaṃ niccaṃ maraṇato bhayaṃ.

4439. Sāyameke na dissanti3- pato diṭṭhā bahujjanā,
Pato eke na dissanti sāyaṃ diṭṭhā bahujjanā.

4440. Ajjeva kiccaṃ ātappaṃ4- ko jaññā maraṇaṃ suve,
Nahi no saṅgaraṃ tena mahāsenena maccunā.

4441. Corā dhanassa patthessa rājā muttosmi bandhanā,
Ehi rāja nivattassu nāhaṃ rajjenamatthikoti.
Mugapakkhajātakaṃ paṭhamaṃ.

1. Yaṃ jarāyābhibhuyyati - machasaṃ, syā 2. Dhanesinā - machasaṃ, syā
3. Passanti - vi 4. Ātapa - machasaṃ

[BJT Page 024] [\x 24/]
2. Mahājanakajātakaṃ
[PTS Page 035] [\q 35/]
4442. Koyaṃ majjhe samudadasmiṃ apassaṃ tiramāyuhe,
Kaṃ1- tvaṃ atthavasaṃ ñatvā evaṃ vāyamase bhusaṃ.

4443. Nisamma vattaṃ lokassa vāyāmassa ca devate,
Tasmā majjhe samuddasmiṃ appasaṃ tiramāyuhe.

4444. Gambhīre appameyyasmiṃ tīraṃ yassa na dissati,
Mogho te purisa vāyāmo appatvāva marissi.

[PTS Page 036] [\q 36/]
4445. Anaṇo ñātinaṃ hoti devānaṃ pituno2- ca so,
Karaṃ purisakiccāni na ca pacchānutappati.

4446. Apāraneyyaṃ yaṃ kammaṃ aphalaṃ kilamathuddayaṃ,
Tattha ko vāyamenattho maccu yassābhinippataṃ. 3-

4447. Apāraneyyaṃ accantaṃ yo viditvāna devate,
Na rakkhe attano pāṇaṃ jaññā so yadi4- hāpaye.

4448. Adhippāya phalaṃ eke asmiṃ lokasmi devate,
Payojayanti kammāni tāni ijjhanti vā na vā.

4449. Sandiṭṭhikaṃ kammaphalaṃ nanu passasi devate,
Sannā aññe tarāmahaṃ tañca passāmi santike.

4450. So ahaṃ vāyamissāmi yathāsattiṃ yathābalaṃ,
Gacchaṃ pāraṃ samuddassa kāsaṃ5- purisakāriyaṃ.

[PTS Page 037] [\q 37/]
4451. Yo tvaṃ evaṃ gate oghe appameyye mahaṇṇave,
Dhammavāyāmasampanno kammanā6- nāvasidasi,
So tvaṃ tattheva gacchābhi yattha te7- nirato mano.

1. Kiṃ - machasaṃ. Syā 2. Pitunañca - machasaṃ, syā 3. Nipaphataṃ - syā
4. Yati - machasaṃ 5. Kassaṃ - machasaṃ, syā 6. Kammunā - machasaṃ, syā
7. Ke - machasaṃ

[BJT Page 026] [\x 26/]
4452. Suriyuggamane nidhi atho oggamane nidhi,
Anno nidhi bahi nidhi na anto na bahi nidhi.

[PTS Page 038] [\q 38/]
4453. Ārohane mahānidhi atho orohane nidhi,
Caturo ca mahāsālā samantā yojane nidhi.

4454. Dantaggesu mahānidhi vālaggesu ca kekhuke,
Rukkhaggesu mahānidi soḷasete mahānidhi
Sahassatthāmo pallaṅko sivalārādhanena ca.

[PTS Page 043] [\q 43/]
4455. Āsiṃsetheva puriso1- na nibbindeyya paṇḍito,
Passāmi vohaṃ attānaṃ yathā icchiṃ tathā ahu.

4456. Āsiṃsetheva puriso na nibbindeyya paṇḍito,
Passāmi vohaṃ attānaṃ udakā thalamubbhataṃ.

4457. Vāsiṃsetheva puriso na nibbindeyya paṇḍito,
Passāmi vohaṃ attānaṃ yathā icchiṃ tathā ahu.

4458. Vāsiṃsetheva puriso na nibbindeyya paṇḍito,
Passāmi vohaṃ attānaṃ udakā thalamubbhataṃ. .

4459. Dukkhupanītopi naro sapañño
Āsaṃ na chindeyya sukhāgamāya,
Bahu hi phassā ahitā hitā ca
Avitakkitā maccumupabbajanti2-

4460. Acintitampi bhavati cittitampi vinassati,
Na hi cintāmayā bhogā itthiyā purisassa vā.

[PTS Page 045] [\q 45/]
4461. Apurāṇaṃ3- vata bho rājā sabbabhummo disampati,
Nājja nacce nisāmeti na gīte kurute mano.

4462. Na mige napi uyyāne napi haṃse udikkhati,
Mugova tuṇhimāsino na atthamanusāsati.

1. Āsiṃsetho puriso - machasaṃ 2. Maccumubbajanti - machasaṃ
3. Aporāṇaṃ - machasaṃ, syā, vi.

[BJT Page 028] [\x 28/]
4463. Sukhakāmā rabhosīlā vadhabandhā upāratā, 1-
Kesannu2- ajja ārāme daharā vuddhā ca acchare.

[PTS Page 046] [\q 46/]
4464. Atikkantavanathā dhīrā namo tesaṃ mahesinaṃ,
Ye ussukambhi lokambhi viharanti anussukā.

4465. Te chetvā maccuno jālaṃ taṃ taṃ māyāvino,
Chintālayattā3- gacchanti ko tesaṃ gatimāpaye.

4466. Kadāhaṃ mithilaṃ phītaṃ visālaṃ sabbatopabhaṃ, 4-
Pahāya pabbajissāmi taṃ kadāssu5- bhavissati.

4467. Kadāhaṃ mithilaṃ phītaṃ vibhattaṃ bhāgaso mitaṃ,
Pahāya pabbajissāmi taṃ kadāssu bhavissati.

4468. Kadāhaṃ mithilaṃ phītaṃ bahupākāratoraṇaṃ, 6-
Pahāya pabbajissāmi taṃ kadāssu bhavissati.

4469. Kadāhaṃ mithilaṃ phītaṃ daḷhamaṭṭālakoṭṭhakaṃ,
Pahāya pabbajissāmi taṃ kadāssu bhavissati.

4470. Kadāhaṃ mithilaṃ phītaṃ suvibhattaṃ mahāpathaṃ,
Pahāya pabbajissāmi taṃ kadāssu bhavissati.

4471. Kadāhaṃ mithilaṃ phītaṃ suvibhattantarājaṇaṃ,
Pahāya pabbajissāmi taṃ kadāssu bhavissati.

4472. Kadāhaṃ mithilaṃ phītaṃ gavāssarathapīḷitaṃ,
Pahāya pabbajissāmi taṃ kadāssu bhavissati.

[PTS Page 047] [\q 47/]
4473. Kadāhaṃ mithilaṃ phītaṃ ārāmavanamāliniṃ,
Pahāya pabbajissāmi taṃ kadāssu bhavissati.

1. Apārutā - machasaṃ, syā upārutā - si. Mu. 2. Kassanu - machasaṃ, syā
3. Sandālayantā - machasaṃ, syā 4. Pabbato pabhaṃ - machasaṃ 5. Kudassu - machasaṃ 6. Bahalapākāratoraṇaṃ - sihaḷa aṭṭhakathā (he vi 43 piṭa 7 kāṇḍaya)

[BJT Page 030] [\x 30/]
4474. Kadāhaṃ mithilaṃ phītaṃ uyyānavanamāliniṃ,
Pahāya pabbajissāmi taṃ kadāssu1- bhavissati.

4475. Kadāhaṃ mithilaṃ phītaṃ pāsādavanamāliniṃ,
Pahāya pabbajissāmi taṃ kadāssu bhavissati.

4476. Kadāhaṃ mithilaṃ phītaṃ tiparaṃ2- rājabandhuniṃ,
Māpitaṃ somanassena vedehena yasassinā
Pahāya pabbajissāmi taṃ kadāssu bhavissati.

4477. Kadāhaṃ vedehe3- phītaṃ nivite dhammarakkhite,
Pahāya pabbajissāmi taṃ kadāssu bhavissati.

4478. Kadāhaṃ vedehe phītaṃ ajeye dhammarakkhite,
Pahāya pabbajissāmi taṃ kadāssu bhavissati.

4479. Kadāhaṃ antepuraṃ rammaṃ vibhattaṃ bhāgaso mitaṃ,
Pahāya pabbajissāmi taṃ kadāssu bhavissati.
4480. Kadāhaṃ antepuraṃ rammaṃ sudhāmattikalepanaṃ,
Pahāya pabbajissāmi taṃ kadāssu bhavissati.
4481. Kadāhaṃ antepuraṃ rammaṃ sucigandhaṃ manoramaṃ,
Pahāya pabbajissāmi taṃ kadāssu bhavissati.
4482. Kadāhaṃ kūṭāgāre vibhatte bhāgaso mite,
Pahāya pabbajissāmi taṃ kadāssu bhavissati.
4483. Kadāhaṃ kūṭāgāre ca sudhāmattikalepane,
Pahāya pabbajissāmi taṃ kadāssu bhavissati.
4484. Kadāhaṃ kūṭāgāre ca sucigandhe manorame,
Pahāya pabbajissāmi taṃ kadāssu bhavissati.
4485. Kadāhaṃ kūṭāgāre ca litte candanaphosite, 4-
Pahāya pabbajissāmi taṃ kadāssu bhavissati.
1. Taṃ kudassu - machasaṃ, taṃ kadāsu - syā 2. Taṃ puraṃ - machasaṃ
3. Videhe - machasaṃ 4. Bhūsite - machasaṃ

[BJT Page 032] [\x 32/]
4486. Kadāhaṃ suvaṇṇapallaṅke goṇake cittasanthate,
Pahāya pabbajissāmi taṃ kadāssu bhavissati.
4487. Kadāhaṃ maṇipallaṅke goṇake cittasanthate,
Pahāya pabbajissāmi taṃ kadāssu bhavissati.
4488. Kadāhaṃ kappāsakoseyyaṃ khomakoṭumbarāni ca,
Pahāya pabbajissāmi taṃ kadāssu bhavissati.
4489. Kadāhaṃ pokkharaṇiyo rammā cakkavākupakujitā1-
Mandālakehi sañachantā padumuppalakehi ca pahāya pabbajissāmi taṃ kadāssa2- bhavissati.

4490. Kadāhaṃ hatthigumbe sabbālaṅkārabhusite,
Suvaṇṇakacche mātaṅge hemakappanavāsase2-

4491. Ārūḷhe gāmaṇiyehi tomaraṅkusapāṇihi, pahāya pabbajissāmi taṃ kadāssu bhavissati.
4492. Kadāhaṃ assagumbe sabbālaṅkārabhusite,
Ājāniyye ca jātiyā sindhave sīghavāhane.

4493. Ārūḷhe gāmaṇiyehi illiyāvāpadhārihi, pahāya pabbajissāmi taṃ kadāssu bhavissati.
[PTS Page 048] [\q 48/]
4494. Kadāhaṃ rathaseṇiyo pantaddhe ussitadadhaje,
Dīpe athopi veyyagghe sabbālaṅkārabhusite.

4495. Ārūḷhe gāmaṇiyehi cāpahatthehi vamamihi, pahāya pabbajissāmi taṃ kadāssu bhavissati.

4496. Kadāhaṃ sovaṇṇarathe sannaddhe ussitaddhaje,
Dīpe athopi veyyagghe sabbālaṅkārabhusite.

4497. Ārūḷhe gāmaṇiyehi cāpahatthehi vammihi, pahāya pabbajissāmi taṃ kadāssu bhavissati.

4498. Kadāhaṃ sajjhurathe sannaddhe ussitaddhaje,
Dipe athopi veyyagghe sabbālaṅkārabhūsite.

4499. Ārūḷhe gāmaṇiyehi cāpahatthehi vammihi, pahāya pabbajissāmi taṃ kadāssu bhavissati.

1. Cakkavakkapakujitā - machasaṃ 2. Taṃ kudassu - machasaṃ, kadāsu - syā
3. Hemakappanivāsaye - machasaṃ

[BJT Page 034] [\x 34/]
4500. Kadāhaṃ assarathe sannaddhe ussitaddhaje,
Dipe athopi veyyagghe sabbālaṅkārabhūsite.

4501. Ārūḷhe gāmaṇiyehi cāpahatthehi vammihi, pahāya pabbajissāmi taṃ kadāssu bhavissati.

4502. Kadāhaṃ oṭṭharathe sannaddhe ussitaddhaje,
Dipe athopi veyyagghe sabbālaṅkārabhūsite.

4503. Ārūḷhe gāmaṇiyehi cāpahatthehi vammihi, pahāya pabbajissāmi taṃ kadāssu bhavissati.

4504. Kadāhaṃ goṇarathe sannaddhe ussitaddhaje,
Dipe athopi veyyagghe sabbālaṅkārabhūsite.

4505. Ārūḷhe gāmaṇiyehi cāpahatthehi vammihi, pahāya pabbajissāmi taṃ kadāssu bhavissati.

4506. Kadāhaṃ ajarathe sannaddhe ussitaddhaje,
Dipe athopi veyyagghe sabbālaṅkārabhūsite.

4507. Ārūḷhe gāmaṇiyehi cāpahatthehi vammihi, pahāya pabbajissāmi taṃ kadāssu bhavissati.

4508. Kadāhaṃ meṇḍarathe sannaddhe ussitaddhaje,
Dipe athopi veyyagghe sabbālaṅkārabhūsite.

4509. Ārūḷhe gāmaṇiyehi cāpahatthehi vammihi, pahāya pabbajissāmi taṃ kadāssu bhavissati.

4510. Kadāhaṃ migarathe1-sannaddhe ussitaddhaje,
Dipe athopi veyyagghe sabbālaṅkārabhūsite.

4511. Ārūḷhe gāmaṇiyehi cāpahatthehi vammihi, pahāya pabbajissāmi taṃ kadāssu bhavissati.

4512. Kadāhaṃ hatthārūhe2- sabbālaṅkārabhusite,
Nīlavammadhare3- sure tomaraṅkusa pāṇine; pahāya pabbajissāmi taṃ kadāssu bhavissati.

1. Migaratheva - machasaṃ 2. Hatthāroheva - machasaṃ 3. Nīlavammidhareva - machasaṃ

[BJT Page 036] [\x 36/]
4513. Kadāhaṃ assārūhe1- sabbālaṅkārabhusite,
Nīlavammadhare sure illiyācāpadhārine pahāya pabbajissāmi taṃ kadāssu bhavissati.

4514. Kadāhaṃ rathārūhe2- sabbālaṅkārabhusite,
Nīlavammadhare sure cāpahatthe kalāpine 3 pahāya pabbajissāmi taṃ kadāssu bhavissati.

[PTS Page 049] [\q 49/]

4515. Kadāhaṃ dhanuggahe sabbālaṅkārabhusite,
Nīlavammadhare sure cāpahatthe4- kalāpine pahāya pabbajissāmi taṃ kadāssu bhavissati.

4516. Kadāhaṃ rājaputte5- sabbālaṅkārabhusite,
Cittavammadhare sure kañcanāveḷadhārine; pahāya pabbajissāmi taṃ kadāssu bhavissati.
4517. Kadāhaṃ ariyagaṇe vatthavante6- alaṅkate,
Haricandanalittaṅge kāsikuttamadhārine; pahāya pabbajissāmi taṃ kadāssu bhavissati.

4518. Kadāhaṃ amaccagaṇe sabbālaṅkārabhusite,
Pitavammadhare sure purato gacchamāline; pahāya pabbajissāmi taṃ kadāssu bhavissati.

4519. Kadā sattasatā bhariyā sabbalaṅkārabhusitā,
Pahāya pabbajissāmi taṃ kadāssu bhavissati.

4520. Kadā sattasatā bhariyā susaññā tanumajjhimā,
Pahāya pabbajissāmi taṃ kadāssu bhavissati.

4521. Kadā sattasatā bhariyā assavā piyabhāṇini,
Pahāya pabbajissāmi taṃ kadāssu bhavissati.

4522. Kadā sataphalaṃ kaṃsaṃ sovaṇṇaṃ satarājikaṃ,
Pahāya pabbajissāmi taṃ kadāssu bhavissati.

1. Assāroheva - machasaṃ, syā 2. Rathāroheva - machasaṃ, syā
3. Kalāpino - syā 4. Cāpahattha - machasaṃ 5. Rājaputteva - machasaṃ 6. Vatavante - machasaṃ
[BJT Page 038] [\x 38/]
4523. Kadāsasu maṃ hatthagumbā sabbalaṅkārabhusitā,
Suvaṇṇakacchā mātaṅgā hemakappanavāsasā.

4524. Ārūḷhā gāmaṇiyehi tomaraṃkusapāṇihi,
Yantaṃ maṃ nānuyissanti taṃ kadāssu bhavissati.
4525. Kadāsasu maṃ assagumbā sabbalaṅkārabhusitā,
Ājāniyā ca jātiyā sindhavā sighavāhanā.

4526. Ārūḷhā gāmaṇiyehi illiyācāpadhārihi,
Yantaṃ maṃ nānuyissanti taṃ kadāssu bhavissati.
4527. Kadāsasu maṃ rathaseṇiyo sannaddhā ussitaddhajā,
Dipā athopi veyyagghā sabbālaṅkārabhusitā.

4528. Ārūḷhā gāmaṇiyehi cāpahatthehi vammihi,
Yantaṃ maṃ nānuyissanti taṃ kadāssu bhavissati.
4529. Kadāsasu maṃ soṇṇarathā sannaddhā ussitaddhajā,
Dipā athopi veyyagghā sabbālaṅkārabhusitā

4530. Ārūḷhā gāmaṇiyehi cāpahatthehi vammihi,
Yantaṃ maṃ nānuyissanti taṃ kadāssu bhavissati.
[PTS Page 050] [\q 50/]
4531. Kadāsasu maṃ sajjhurathā sannaddhā ussitaddhajā,
Dipā athopi veyyagghā sabbālaṅkārabhusitā

4532. Ārūḷhā gāmaṇiyehi cāpahatthehi vammihi,
Yantaṃ maṃ nānuyissanti taṃ kadāssu bhavissati.
4533. Kadāsasu maṃ assarathā sannaddhā ussitaddhajā,
Dipā athopi veyyagghā sabbālaṅkārabhusitā

4534. Ārūḷhā gāmaṇiyehi cāpahatthehi vammihi,
Yantaṃ maṃ nānuyissanti taṃ kadāssu bhavissati.
4535. Kadāsasu maṃ oṭṭharathā sannaddhā ussitaddhajā,
Dipā athopi veyyagghā sabbālaṅkārabhusitā

4536. Ārūḷhā gāmaṇiyehi cāpahatthehi vammihi,
Yantaṃ maṃ nānuyissanti taṃ kadāssu bhavissati.
[BJT Page 040] [\x 40/]
4537. Kadāsasu maṃ goṇarathā sannaddhā ussitaddhajā,
Dipā athopi veyyagghā sabbālaṅkārabhusitā

4538. Ārūḷhā gāmaṇiyehi cāpahatthehi vammihi,
Yantaṃ maṃ nānuyissanti taṃ kadāssu bhavissati.
4539. Kadāsasu maṃ ajarathā sannaddhā ussitaddhajā,
Dipā athopi veyyagghā sabbālaṅkārabhusitā

4540. Ārūḷhā gāmaṇiyehi cāpahatthehi vammihi,
Yantaṃ maṃ nānuyissanti taṃ kadāssu bhavissati.
4541. Kadāsasu maṃ meṇḍarathā sannaddhā ussitaddhajā,
Dipā athopi veyyagghā sabbālaṅkārabhusitā

4542. Ārūḷhā gāmaṇiyehi cāpahatthehi vammihi,
Yantaṃ maṃ nānuyissanti taṃ kadāssu bhavissati.
4543. Kadāsasu maṃ migarathā sannaddhā ussitaddhajā,
Dipā athopi veyyagghā sabbālaṅkārabhusitā

4544. Ārūḷhā gāmaṇiyehi cāpahatthehi vammihi,
Yantaṃ maṃ nānuyissanti taṃ kadāssu bhavissati.
4545. Kadāsasu maṃ hatthārūhā sabbālaṅkārabhusitā,
Nīlavammadharā surā tomaraṅkusapāṇino;
Yantaṃ maṃ nānuyissanti taṃ kadāssu bhavissati.
4546. Kadāssu maṃ assārūhā sabbālaṅkārabhūsitā,
Nīlavammadharā surā illiyā 1-cāpadhārino;
Yantaṃ maṃ nānuyissanti taṃ kadāssu bhavissati.

4547. Kadāssu maṃ rathārūhā sabbālaṅkārabhūsitā,
Nīlavammadharā surā illiyā 1-cāpadhārino;
Yantaṃ maṃ nānuyissanti taṃ kadāssu bhavissati.

4548. Kadāssu maṃ dhanuggahā sabbālaṅkārabhūsitā,
Nīlavammadharā surā illiyā cāpadhārino;
Yantaṃ maṃ nānuyissanti taṃ kadāssu bhavissati.

1. Indiyā - syā

[BJT Page 042] [\x 42/]
4549. Kadāssu maṃ rājaputtā sabbālaṅkārabhūsitā,
Cittavammadharā surā kañcanāveṭṭhārino;
Yantaṃ maṃ nānuyissanti taṃ kadāssu1- bhavissati.

4550. Kadāssu maṃ ariyagaṇā vatthavantā alaṅkatā,
Haricandanalittaṅgā kāsikuttamadhārino;
Yantaṃ maṃ nānuyissanti taṃ kadāssu bhavissati.

4551. Kadāssu maṃ amaccagaṇā sabbalaṅkārabhusitā,
Pitavammadharā surā purato gacchamālinī;
Yantaṃ maṃ nānuyissanti taṃ kadāssu bhavissati.

4552. Kadāssu maṃ sannatā bhariyā sabbalaṅkārabhusitā,
Yantaṃ maṃ nānuyissanti taṃ kadāssu bhavissati.

[PTS Page 051] [\q 51/]
4553. Kadāssu maṃ sannatā bhariyā susaññā tanumajjhimā,
Yantaṃ maṃ nānuyissanti taṃ kadāssu bhavissati.

4554. Kadāssu maṃ sannatā bhariyā assavā piyabhāṇini,
Yantaṃ maṃ nānuyissanti taṃ kadāssu bhavissati.

4555. Kadāhaṃ pattaṃ gahetvā muṇḍo saṅghāṭipāruto,
Piṇḍikāyā carissāmi taṃ kadāssu bhavissati.

4556. Kadāhaṃ paṃsukūlānaṃ ujjhitānaṃ mahāpathe,
Saṅghāṭiṃ dhārayissāmi taṃ kadāssu bhavissati.

4557. Kadāhaṃ sattāhaṃ meghe2- ocaṭṭo3- allacīvaro,
Piṇḍikāyā carissāmi taṃ kadāssu bhavissati.

4558. Kadāhaṃ sabbahaṃ4- ṭhānaṃ rukkhā rukkhā vanā vanaṃ,
Anapekkho viharissāmi5- taṃ kadāssu bhavissati.

4559. Kadāhaṃ giriduggesu pahinabhatyabheravo,
Adutiyo viharissāmi taṃ kadāssu bhavissati.

1. Taṃ kudāssu - machasaṃ, kadusā - syā 2. Sammeghe - vi machasaṃ
3. Ovaṭṭho - machasaṃ ovaṭṭhe - syā 4. Sabbaṭṭhāna gantvā - machasaṃ sabbaṇhaṃ - syā 5. Gamissāmi - machasaṃ 6. Gamissāmi - machasaṃ, syā

[BJT Page 044] [\x 44/]
4560. Kadā vīṇaṃva rujako sattatantiṃ manoramaṃ,
Cittaṃ ujuṃ karissāmi taṃ kadāssu bhavissati.

4561. Kadāhaṃ rathakārova parikantaṃ upāhanaṃ,
Kāmasaṃyojanena chevachaṃ1- ye dibbe ye ca mānuse.

[PTS Page 053] [\q 53/]
4562. Tā ca sattasatā bhariyā sabbālaṅkārabhūsitā,
Bāhā paggayha pakkanduṃ kasmā no vijahissasi.
4563. Tā ca sattasatā bhariyā susaññā tanumajjhimā,
Bāhā paggayha pakkanduṃ kasmā no vijahissasi.

4564. Tā ca sattasatā bhariyā assavā piyabhāṇini,
Bāhā paggayha pakkanduṃ kasmā no vijahissasi.

4565. Tā ca sattasatā bhariyā sabbālaṅkārabhūsitā,
Hitvā sampaddayi2- rājā pabbajjāya purakkhato.
4566. Tā ca sattasatā bhariyā susaññā tanumajjhimā,
Hitvā sampaddayi rājā pabbajjāya purakkhato.
4567. Tā ca sattasatā bhariyā assavā piyabhāṇinī,
Hitvā sampaddayi rājā pabbajjāya purakkhato.

[PTS Page 054] [\q 54/]
4568. Hitvā sataphalaṃ3- kaṃsaṃ sovaṇṇaṃ satarājikaṃ,
Aggahi matatikāpattaṃ4- taṃ dutiyābhisecanaṃ.

4569. Vesmā aggismā jālā kosā5- ḍayhanti bhāgaso,
Rajataṃ jātarūpañca muttā veḷuriyā bahuṃ.

4570. Maraṇayo saṅkhamuttā ca vatthikaṃ6- haricandanaṃ,
Ajinaṃ dantabhaṇḍañca lohaṃ kāḷāyasaṃ bahu;
Ehi rāja nivattassu mā te taṃ vinasā7- dhanaṃ.

1. Chetvā - machasaṃ 2. Sampaddavi - machasaṃ sampadavi - syā
3. Satapalaṃ - machasaṃ, syā 4. Mattikaṃ - machasaṃ 5. Koṭṭhā - vi
6. Vatthakaṃ - machasaṃ 7. Vinassā - machasaṃ syā
[BJT Page 046] [\x 46/]
4571. Susukhaṃ vata jivāma yesaṃ no natthi kiñcanaṃ,
Mithilāya1- ḍayahmānāya na me kiñci aḍayhatha.

[PTS Page 055] [\q 55/]
4572. Aṭaviyo samuppannā raṭṭhaṃ viddhaṃsayanti taṃ,
Ehi rāja nivantassu mā raṭṭhaṃ vinasā idaṃ.
4573. Susukhaṃ vata jivāma yesaṃ no natthi kiñcanaṃ,
Raṭṭhe vilumpamānambhi na me kiñci ajiratha2-.

4574. Susukhaṃ vata jivāma yesaṃ no natthi kiñcanaṃ,
Pitibhakkhā bhavissāma deva ābhassarā yathā.

[PTS Page 056] [\q 56/]
4575. Kimbheso mahato ghoso kā nu gāme kililiyā, 3-
Samaṇaññeva4- pucchāma kattheso abhisaṭo5- jano.

4576. Mamaṃ obhāya gacchantaṃ ettheso abhisaṭo jano,
Simātikkamanaṃ yantaṃ munimonassa pattiyā;
Missaṃ nandihi gacchantaṃ kiṃ jānamanupucchasi.

[PTS Page 057] [\q 57/]
4577. Māssu tiṇṇo amaññittho6- sarīraṃ dhārayaṃ imaṃ,
Atiraṇeyyamidaṃ7- kammaṃ bahu hi paripanthayo.

4578. Ko nu me paripanthassa mama evaṃ vihārino,
Yo nevadiṭṭhe nādiṭṭhe kāmānamabhipatthaye.

4579. Niddā tandī vijambhikā aratī bhattasammado,
Āvasanti sariraṭṭhā bahuhi paripanthayo8-

[PTS Page 058] [\q 58/]
4580. Kalyāṇaṃ vata maṃ bhavaṃ brāhmaṇamanusāsasi,
Brahmaṇaṃ yeva9- pucchāmi konu tvamasi mārisa.

1. Mithilaṃ - machasaṃ 2. Ahāratha - machasaṃ aḍayhatha māme kicī ahāratha - syā
3. Gāmeva kiliyā - machasaṃ kiliyā - syā 4. Samaṇaṃ teva - machasaṃ, syā
5. Abhisato - machasaṃ 6. Amuññittha - machasaṃ 7. Atiraṇeyya yamidaṃ bahuhi paribandhayo - machasaṃ 8. Paribandhayo - machasaṃ 9. Tveva - vi machasaṃ.

[BJT Page 048] [\x 48/]
4581. Nārado iti me nāmaṃ1- kassapo iti maṃ vidu,
Bhoto sakāse āgañachiṃ sādhu sabbhi samāgamo.

4582. Tassa te sabbo ānando vihāro upavattatu,
Yadunaṃ taṃ paripurehi khantiyā upasamena ca.

4583. Pasāraya santatatañca unnattañca pasāraya,
Kammaṃ vijjañca dhammañca sakkatvāna paribbaja.

[PTS Page 059] [\q 59/]
4584. Bahuhatthi ca asse ca nagare janapadāni ca,
Hitvā janaka pabbajito kapalle ratimajjhagā.

4585. Kaccinnu te jānapadā2- mittā maccā ca ñātakamā,
Dubhiṃ akaṃsu3- janaka kasmā cetaṃ4- aruccatha.

4586. Na migājina jātucca5- ahaṃ kañci kudācanaṃ,
Adhammena jine ñātiṃ na cāpi ñātayo mamaṃ.

4587. Disvāna lokavantantaṃ khajjantaṃ kaddamikataṃ,
Haññare khajjhare vettha yattha satto puthujjano;
Etāhaṃ upamaṃ katvā bhikkhakosmi migājina.

[PTS Page 060] [\q 60/]
4588. Konu te bhagavā satthā kassetaṃ vacanaṃ suci
Nahi kappaṃ vā vijjaṃ vā paccakkhāya rathesabha:
Samaṇaṃ āhu vattantaṃ yathā dukkhassatikkamo.

4580. 4589. Na migājina jātucca ahaṃ kañci kudācanaṃ,
Samaṇaṃ brāhmaṇaṃ vāpi sakakatvāanupāvisaṃ.

1. Nāmena - machasaṃ, syā 2. Janapadā - machasaṃ 3. Dubbimakaṃsu - machasaṃ
4. Te taṃ 5. Jātucche - machasaṃ

[BJT Page 050] [\x 50/]
4590. Mahatā cānubhavena gacchanto siriyājalaṃ,
Giyamānesu gitesu vajjamānesu vaggusu; turiyatāḷitasaṃsuṭṭhe smatālasamāhite.

4591. Samigājina maddakkhiṃ phalaṃ1- ambaṃ tirocchadaṃ,
Tujjamānaṃ2- manussehi phalakāmehi3- jantuhi.

4592. So kho hantaṃ siriṃ hitvā orohitvā vigājina,
Mulaṃ ambassupāgañchiṃ phalino nipphalitassa ca.

4593. Phalaṃ abbaṃ bhataṃ disvā viddhasataṃ4- vinalikataṃ,
Athetaṃ itaraṃ ambaṃ nīlohāsaṃ manoramaṃ.

[PTS Page 061] [\q 61/]
4594. Evameva nunambhepi issare ihukaṇṭake,
Amittā no vadhissanti yathā ambo phali hato.

4595. Ajinamhi haññate dīpi nāgo dantehi haññate,
Dhanambhi dhanino hanti aniketamasanthavaṃ;
Phali ambo aphalo ca te satthāro ubho mama.

4596. Sabbo jano pavyadhito rājā pabbajito iti,
Hatthārohā aṇikaṭṭhā rathikā pattikārikā.

4597. Assāsayitvā janataṃ ṭhapayitvā paṭicchadaṃ,
Puttaṃ rajje ṭhapetvā atha pacchā pabbajissasi.

[PTS Page 062] [\q 62/]
4598. Vattā mayā jānapadā mitatāmaccā ca ñātakā,
Santi puttā videhānaṃ dighāvu raṭṭhavaḍḍhano;
Te rajjaṃ kārayissanti mithilāyaṃ pajāpati.

4599. Ehi taṃ anusikkhāmi yaṃ vākyaṃ mama ruccati,
Rajjaṃ tuvaṃ kārayanti pāpaṃ duccaritaṃ bahuṃ:
Kāyena vācā manasā yena gañachisi duggatiṃ.

1. Balaṃ ambha - machasaṃ 2. Hatamānaṃ - machasaṃ tudamānaṃ - syā
3. Balakāmehi - machasaṃ 4. Vidasataṃ - machasaṃ.

[BJT Page 052] [\x 52/]
4600. Paradinnakena paraniṭṭhitena,
Piṇḍena yāpehi sadhiradhammo.

[PTS Page 063] [\q 63/]
4601. Yopi catutthe bhattakāle na bhuñje
Ajaddhumāriva1- khudāya mīye,
Na tveva piṇḍaṃ lulitaṃ anariyaṃ
Kulaputtarūpo sappuriso na seve
Tayidaṃ na sādhu tayidaṃ na suṭṭhu
Sunakhucchiṭṭhakaṃ bhuñjase tvaṃ.

[PTS Page 064] [\q 64/]
4602. Na cā pi me sīvali so abhakkho
Yaṃ hoti cannaṃ gihino sunakhassa vā,
Ye keci bhogā idha dhammaladdhā
Sabbo so bhakkho anavajjāti2- vutto.

4603. Kumārike3- upaseniye niccaṃ nigaḷa4- maṇḍita,
Kasmā te eko bhujo janati eko te na janati bhujo,

4604. Imasmiṃ me samaṇa hatthe paṭimukko ekanīdhuro, 6-
Saṅghātā jāyate saddo dutiyasseva sā gati.

4605. Imasmiṃ me samaṇā hatthe paṭimukko ekanīdhuro, 6-
So aditiyo na chanati munibhutova tiṭṭhati.

4606. Vivādappatto dutiyo keneko vivadissati,
Tassa te saggakāmassa ekattamuparovataṃ.

[PTS Page 065] [\q 65/]
4607. Suṇasi7- sivalī gāthā kumāriyā paveditā,
Pessiyā maṃ garahittho dutiyasseva sā gati.

4608. Ayaṃ dvedhā patho bhadde anuciṇṇo pathāvihi,
Tesaṃ tvaṃ ekaṃ gaṇhāhi abhamekaṃ punāparaṃ.

4609. Neva maṃ tvaṃ "patī me"ti māhaṃ "bhariyā"ti vā puna,
Imameva kathaṃ kathayantā thuṇaṃ nagarupāgamuṃ.

1. Ajuttamāriva - machasaṃ ajajjhaṭṭhamāriva - syā ajhajuṭṭhumariva - vi
2. Anavaye - machasaṃ 3. Kumāriye - machasaṃ, vi 4. Tikala - machasaṃ
5. Dunivarā - machasaṃ, syā 6. Ekanivaro - machasaṃ 7. Suṇāsu - machasaṃ

[BJT Page 054] [\x 54/]
[PTS Page 066] [\q 66/]
4610. Koṭṭhake usukārassa bhattakāle upaṭṭhite,
Tatra ca so usukāro (ekaṃ daṇaḍaṃ ujuṃ kataṃ;)
Ekañca cakkhuṃ niggayha jimbhamekena pekkhati.

4611. Evaṃ no sādhu passasi usukāra suṇohi me,
Yadekaṃ cakkhuṃ niggayha jibhamamekena pekkhasi.

4612. Vihi samaṇa cakkhuhi visālaṃ viya khāyati,
Asampatvā paraṃ1- liṅgaṃ nujajubhāvāya kappati.

4613. Ekañca cakkhuṃ niggayha jimbhamekena pekkhato,
Sampatvā paramaṃ liṅgaṃ ujubhāvāya kappati.

4614. Vivādappatto dutiyo keneko vivadissati,
Tassa te saggakāmassa ekattamuparovataṃ.

[PTS Page 067] [\q 67/]
4615. Suṇasī sīvali gāthā usukāreṇa paveditā,
Pessiyā2- maṃ garahittho dutiyasseva sā gati.

4616. Ayaṃ dvedhā patho bhadde anuciṇṇā pathāvihi,
Tesaṃ tvaṃ ekaṃ gaṇhāhi ahametaṃ punāparaṃ.

4617. Neva maṃ tvaṃ "pati me"ti māhaṃ "bhariyā"ti vā puna,
Muñajāvisakā3- pavāḷhā ekā vihara sīvalī ti.
Mahājanakajātakaṃ dutiyaṃ.

1. Paramaṃ - machasaṃ 2. Pesiyā - machasaṃ 3. Muñachavesikā - machasaṃ

[BJT Page 056] [\x 56/]
[PTS Page 077] [\q 77/]
3. Sāmajātakaṃ
4618. Ko nu maṃ usunā vijjhi pattaṃ udahārakaṃ, 1-
Khattiyo brāhmano vesso ko maṃ viddhā niliyasi. 2-

4619. Na me maṃsāni khajjāni cammenattho na vijjati,
Atha kena nu vaṇṇena viddheyyaṃ maṃ amaññatha.

4620. Ko vā tvaṃ kasasa vā putte kathaṃ jānemu taṃ mayaṃ,
Puṭṭho me samma akkhāhi kiṃ maṃ viddhā nilīyasi.

4621. Rājāhamasmi kāsinaṃ piliyakkhoti maṃ vidu,
Lobhā raṭṭhaṃ pahatvāna3- migamesaṃ4- carāmahaṃ.

4622. Issatthevassami kusalo daḷhadhammoti vissuto,
Nāgopi me na muñceyya āgato usupātanaṃ.

[PTS Page 078] [\q 78/]
4623. Tvañca tassa vā puttosi kathaṃ jānemu taṃ mayaṃ,
Pituno attano cāpi nāmagottaṃ pavedaya.

4624. Nesādaputto bhaddante sāmo iti maṃ ñātayo,
Āmantayiṃsu jivantaṃ svājjevāhaṃ5- gato saye.

4625. Viddhosmi puthusallena savisena yathā migo,
Sakamhi lohite rāja passa semi paripluto.

4626. Paṭicamma6-gato sallaṃ passa vihāmi7- lohitaṃ,
Āturo tyānu pucchāmi kiṃ maṃ viddhā nilīyasi.

1. Udahārayaṃ - machasaṃ 2. Niliyyasi - machasaṃ 3. Pahitvāna - machasaṃ, syā
4. Migameso - machasaṃ 5. Svajjevavaṃ - machasaṃ 6. Paṭivā - machasa, syā
7. Mimbhāmi - machasaṃ thimahāmi - syā.
[BJT Page 058] [\x 58/]
4627. Ajinambhi haññate dīpi nāgo antehi haññate,
Atha kena nu vaṇṇena viddheyyaṃ maṃ amaññatha.

4628. Migo upaṭṭhito āsi āgato usupātanaṃ,
Taṃ disvā ubbijji sāma1- tena kodho mamāvisi.

[PTS Page 079] [\q 79/]
4629. Yatho sarāmi attānaṃ yato pattosmi viññutaṃ,
Na maṃ migā uttasanti2- araññe sāpadānipi.

4630. Yato nīdhiṃ parihariṃ yato pattosmi yobbanaṃ,
Na maṃ migā uttasanti araññe sāpadānipi.

4631. Bhīrū kimpurisā rāja pabbate gandhamādane,
Sammodamānā gacchāma pabbatāni vanāni ca;
Atha kena nu vaṇṇena uttrase so migo mamaṃ.

4632. Na taddasā3- migo sāma kintāhaṃ alikaṃ4- bhaṇe,
Kodhalobhābhibhutohaṃ usuṃ te taṃ avassajiṃ.

4633. Kuto nu samma āgamma kassa vā pahito tuvaṃ,
Udahāro nadiṃ gaccha āgato migasammataṃ.

[PTS Page 080] [\q 80/]
4634. Andhā mātā pitā mayhaṃ te bharāmi brahāmane,
Tesāhaṃ udahārako1- āgato migasammataṃ.

4635. Atthi tesaṃ usāmantaṃ atha sāhassa jīvitaṃ,
Udakassa ca alābhena maññe andhā marissare.

1. Ubbijjissāmi - machasaṃ 2. Utrasanti - machasaṃ, syā 3. Na taṃ tasa - machasaṃ, syā 4. Aliko - machasaṃ 5. Udakaṃ hāṇa - chesaṃ.

[BJT Page 060] [\x 60/]
4636. Na me idaṃ tathā dukkhaṃ labbhāhi pumunā idaṃ,
Yañca ammaṃ na passāmi taṃ me dukkhataraṃ ito.
4637. Na me idaṃ tathā dukkhaṃ labbhāhi pumunā idaṃ,
Yañca tātaṃ na passāmi taṃ me dukkhataraṃ ito.

4638. Sā nūna kapaṇā ammā cirarattāya rucchati, 1-
Aḍḍharatte ca ratte vā nadiva avasucchati.

4639. So nūna kapaṇo tato cirarattāya rucchati,
Aḍḍharatte ca ratte vā nadiva avasucchati.

4640. Uṭṭhānapāricariyāya pādaṃ2- sambāhanassa ca,
"Sāma tātā" ti vilapantā hiṇḍissanti3- brahāvane.

4641. Idampi dutiyaṃ sallaṃ kampeti hadayaṃ mama.
Yañca andhe na passāmi maññe hessāmi4- jīvitaṃ.

[PTS Page 081] [\q 81/]
4642. Mā bāḷhaṃ paridevesi sāma kalyāṇadassana,
Ahaṃ kammakaro hutvā bharissaṃ te brahavane.

4643. Issatthe casmi kusalo daḷhadhammoti vissuto,
Ahaṃ kammakāro hutvā bharissaṃ te brahavane

4644. Migānaṃ vighāsamanvesaṃ vanamula phalāni ca,
Ahaṃ kammakaro hutvā bharissaṃ te brahāvane
1. Ruccati - machasaṃ, syā vi 2. Rāja - machasaṃ 3. Hindisasanti - machasaṃ
4. Na me bhissāmi - machasaṃ

[BJT Page 062] [\x 62/]
4645. Katamaṃ taṃ vanaṃ sāma yattha mātā pitā tava,
Ahaṃ te tathā bharissaṃ yathā te ahari tuvaṃ.

4646. Ayaṃ ekapadi rāja yo yaṃ ussisake mama,
Ito gantvā aḍḍhakosaṃ tattha1- tesaṃ agārakaṃ;
Tattha mātā pitā mayhaṃ te bharassu ito gato.

[PTS Page 082] [\q 82/]
4647. Namo te kāsirājatthu namo te kāsivaḍḍhana,
Andhā mātā pitā mayhaṃ bharassu brabhāvane.

4648. Añjaliṃ te paggaṇhāmi kāsirāja namatthu te,
Mātaraṃ pitaraṃ mayhaṃ mutto vajjāsi vandanaṃ.

4649. Idaṃ vanvāna so sāmo yuvā kalyāṇadassano,
Mucchito visavegena visaññi samapajjatha.

4650. Sa rājā paridevesi bahuṃ kāruññasaṃhitaṃ,
Ajarāmaro vahaṃ āsaṃ ajjetaṃ2- ñāsi no pure;
Sāmaṃ kālakataṃ disvā "natthi maccussa nāgamo".

4651. Yassu maṃ patimanteti savisena samappito,
[PTS Page 083] [\q 83/]
Svājjevaṃ gate kāle na kiñci mabhihāsati.

4652. Nirayaṃ nūna gacchāmi ettha me natthi saṃsayo,
Tadāhi pakataṃ pāpaṃ cirarattāya kibabisaṃ.

4653. Bhavanti tassa vattāro gāme kibbisakārako,
Araññe nimmanussambhi ko maṃ vattumarahati.

1. Yattha - machasaṃ 2. Ajjabhaññāmi - machasaṃ, ajjetaṃ ñāmi - syā

[BJT Page 064] [\x 64/]
4654. Sārayanti hi kamamāni game saṃgaccha mānavā,
Araññe nimmanussambha ko nu maṃ sārayissati.

[PTS Page 084] [\q 84/]
4655. Sā devatā antarahitā pabbate gandhamādane,
Raññova anukampāya imā gātā abhāsatha.

4656. Āguṃ kari mahārāja akarā1- kammadukkaṭaṃ,
Adusakā pitā putatā tayo ekusunā hatā.

4657. Ehi taṃ anusikkhāmi yathā te sugati siyā,
Dhammenandhe2- vane posa maññehaṃ sugatī tayā.

4658. Sa rājā paridevitvā bahuṃ kāruññasaṃhitaṃ,
Udakakumbhamādāya pakkāmi dakkhiṇāmukho.

[PTS Page 085] [\q 85/]
4659. Kassa na eso padasaddo manussasseva āgato,
Neso3- sāmassa nigoso ko nu tvamasi mārisaṃ.

4660. Santaṃ hi sāmo vajati santaṃ pādāni ñattiti, 4-
Noso sāmassa niggheso ko nu tvamasi mārisa.

4661. Rājāhamassami kāsinaṃ piliyakkhoti maṃ vidu,
Lobhā raṭṭhaṃ pahatvāna5- migamesaṃ6- varāmahaṃ.

4662. Issatthe casmi kusalo daḷhadhammoti vissuto,
Nāgopi me na muñceya āgato usupātanaṃ.

4663. Svāgatante mahārāja atho te adurāgataṃ,
Issarosi anuppatto yaṃ idhatthi pavedaya.

4664. Tindukāni piyālāni madhuke kāsumāriyo,
Phalāni khuddakappāni bhuñja rāja varaṃ varaṃ.

1. Akari - machasaṃ, syā vi akāraṃ - simu 2. Dhammena te - machasaṃ
3. No - machasaṃ 4. Neyati - machasaṃ 5. Pahitvāna - machasaṃ
6. Migameso - machasaṃ

[BJT Page 066] [\x 66/]
4665. Idampi pānīyaṃ sītaṃ ābhataṃ girigabbharā,
Tato piva mahārāja sace tvaṃ abhikaṅkhasi.

[PTS Page 086] [\q 86/]
4666. Nālaṃ andhā vane daṭṭhuṃ ko nu me1- phalamāharī,
Anandhassevayaṃ samamā nivāpo2- mayha khāyati.

4667. Daharo yuvā nātibrahā sāmo kalyāṇadassano,
Dighassa kesā asitā atho sunaggavellitā.

4668. So bhave phalamāhatvā ito ādā kamaṇḍaluṃ,
Nadiṃ gato udahāro maññe na duramāgato.

4669. Ahaṃ ta ṃavadhiṃ sāmaṃ yo tuyhaṃ paricārako,
Yaṃ kumāraṃ pavedetha sāmaṃ kalyānadassanaṃ.

4670. Dīghassa kesā asitā atho sunaggavellitā,
Tesu lohitalittesu seti sāmo mayā hato.

[PTS Page 087] [\q 87/]
4671. Kena dukulamantesi "hato sāmo"ti vādinā,
"Hato sāmā"ti sutvāna hadayaṃ me pavedhati.

4672. Assatthasseva taruṇaṃ pavālaṃ māluteritaṃ,
"Hato sāmo"ti sutvāna hadayaṃ me pavedhati.

4673. Pārike kāsirājāya so sāmaṃ vigasammate,
Kodhasā usunā vijjha tassa mā pāpamicchimbhā.

4674. Kicchā laddho piyo putto yo andho abharī vane,
Taṃ ekaputtaṃ ghātimbhi kathaṃ citataṃ na kopaye.

4675. Kicchā laddho piyo putto yo andho abharī vane,
Taṃ ekaputtaṃ ghātimbhi akkodhaṃ ahu paṇḍitā.

1. Vo - machasaṃ, syā 2. Nivāto - machasaṃ

[BJT Page 068] [\x 68/]
4676. Mā khāḷhaṃ paridevetha "hato sāmā"ti vādinā,
Ahaṃ kammakaro hutvā bharissāmi brahāmane.

4677. Issatthe casami kusalo daḷhadhammoti visasuto,
Ahaṃ kammakāro hutvā bharissāmi brahvane.

4678. Migānaṃ1- vighāsamanvesaṃ vanamula phalāni ca,
Ahaṃ kammakaro hutvā bharissāmi brahāmane.

[PTS Page 088] [\q 88/]
4679. Nesa dhammo mahārāja netaṃ ambhesu kappati,
Rājā tvampi ambhākaṃ pade vandāma te mayaṃ.

4680. Dhammaṃ nesāda bhaṇatha katā apaviti tayā,
Pitā tvamasi ambhākaṃ mātā tvamasi pārike.

4681. Namo te kāsirājatthu namo te kāsivaḍḍhana,
Añjaliṃ te pagaṇhāma yāva sāmānupāpaya.

4682. Tassa pāde pamajjantā2- mukhañca bhujadassanaṃ,
Saṃsumbhamānā antānaṃ kālamāgamayāmase.

[PTS Page 089] [\q 89/]
4683. Brahā vāḷamigākiṇṇaṃ ākāsantaṃ padissati,
Yattha sāmo hato seti candova patito chamā.
4684. Brahā vāḷamigākiṇṇaṃ ākāsantaṃ padissati,
Yattha sāmo hato seti suriyova patito chamā.

4685. Brahā vāḷamigākiṇṇaṃ ākāsantaṃ padissati,
Yattha sāmo hato seti paṃsunā patikuṇṭhito

4686. Brahā vāḷamigākiṇṇaṃ ākāsantaṃ padissati,
Yattha sāmo hato seti idheva vasatha assame.

4687. Yadi tattha sahassāni satāni nahutāni ca,
Nevambhakāṃ bhayaṃ koci vane vāḷesu vijjati.

1. Magānaṃ - machasaṃ 2. Pavaṭṭantā - vi samajjantā - machasaṃ, syā.

[BJT Page 070] [\x 70/]
4688. Tato andhānamādāya kāsirājā brahāvane,
Hatthe gahetvā pakkāmi yattha sāmo hato ahu.

[PTS Page 090] [\q 90/]
4689. Disvāna patitaṃ sāmaṃ puttakaṃ paṃsukuṇṭhitaṃ,
Apaviddhaṃ brahāraññe candaṃva patitaṃ chamā.

4690. Disvāna patitaṃ sāmaṃ puttakaṃ paṃsukuṇṭhitaṃ,
Apaviddhaṃ brahāraññe suriyaṃva patitaṃ chamā.

4691. Disvāna patitaṃ sāmaṃ puttakaṃ paṃsukuṇṭhitaṃ,
Apaviddhaṃ brahāraññe karuṇaṃ paridevayuṃ.

4692. Disvāna patitaṃ sāmaṃ puttakaṃ paṃsukuṇṭhitaṃ,
Bāhā paggayha pakkanduṃ "adhammo kira bho" iti.

4693. Khāḷhaṃ khosi tuvaṃ sutto sāmakalyāṇadassana,
Yo ajjevaṃ gate kāle na kiñci mabibhāsasi.
4694. Khāḷhaṃ khosi tuvaṃ matto sāmakalyāṇadassana,
Yo ajjevaṃ gate kāle na kiñci mabibhāsasi.
4695. Khāḷhaṃ khosi tvaṃ pamattosi1- sāma kalyāṇadassana,
Yo ajjevaṃ gate kāle na kiñci mabibhāsasi.
4696. Khāḷhaṃ khosi tuvaṃ kuddho2- sāmakalyāṇadassana,
Yo ajjevaṃ gate kāle na kiñci mabibhāsasi.
4697. Khāḷhaṃ khosi tuvaṃ ditto3-sāmakalyāṇadassana,
Yo ajjevaṃ gate kāle na kiñci mabibhāsasi.
4698. Khāḷhaṃ khosi tvaṃsi vimanosi sāmakalyāṇadassana,
Yo ajjevaṃ gate kāle na kiñci mabibhāsasi.
1. Puttosi - machasaṃ 2. Patuḍosi - machasaṃ 3. Paditto - machasaṃ

[BJT Page 072] [\x 72/]
4699. Jaṭaṃ valitaṃ paṅka1-gataṃ kodāni saṇṭhapessati,
Sāmo ayaṃ kālakato2- andhānaṃ paricārako.

4700. Ko ce sammajjanādāya3- samamajjissati assamaṃ,
Sāmo ayaṃ kālakato andhānaṃ paricārako.
4701. Kodāni nabhāpayisasti sitenuṇhodakena ca,
Sāmo ayaṃ kālakato andhānaṃ paricārako.
[PTS Page 091] [\q 91/]
4702. Kodāni bhojayissati vanamulaphalāni ca,
Sāmo ayaṃ kālakato andhānaṃ paricārako.

4703. Disvāna patitaṃ sāmaṃ puttakaṃ paṃsukuṇaṭhitaṃ,
Aṭṭitā puttasokena mātā saccamabhāsatha:

4704. Yena saccenayaṃ sāmo dhammacāri re ahu,
Etena sacacavajjena visaṃ sāmasasa haññatu.

4705. Yena saccenayaṃ sāmo brammacāri dura ahu,
Etena sacacavajjena visaṃ sāmasasa haññatu.

4706. Yena saccenayaṃ sāmo saccavādi pūre ahu,
Etena sacacavajjena visaṃ sāmasasa haññatu.

4707. Yena saccenayaṃ sāmo mātā petti4-bharo ahu,
Etena sacacavajjena visaṃ sāmasasa haññatu.

4708. Yena saccenayaṃ sāmo kule jeṭṭhāpacāyiko,
Etena sacacavajjena visaṃ sāmasasa haññatu.

4709. Yena saccenayaṃ sāmo pāṇā piyataro mama,
Etena sacacavajjena visaṃ sāmasasa haññatu.

4710. Yaṃ kiñcitthi kataṃ puññaṃ mayhaṃ ceva pitucca te, sacacana5tena kusalena visaṃ sāmasasa haññatu.

[PTS Page 092] [\q 92/]
4711. Disvāna patitaṃ sāmaṃ puttakaṃ paṃsukuṇaṭhitaṃ,
Aṭṭito puttasokena pitā saccamabāsatha:

1. Paṃsu - machasaṃ 2. Kālaṅkato - machasaṃ 3. Sammajjamādāya - machasaṃ
4. Pitati - machasaṃ 5. Sabbena - machasaṃ

[BJT Page 074] [\x 74/]
4712. Yena saccenayaṃ sāmo dhammacāri pure ahu,
Etena sacacavajjena visaṃ sāmasasa haññatu.

4713. Yena saccenayaṃ sāmo brammacāri pure ahu,
Etena sacacavajjena visaṃ sāmasasa haññatu.

4714. Yena saccenayaṃ sāmo saccavādi pūre ahu,
Etena sacacavajjena visaṃ sāmasasa haññatu.

4715. Yena saccenayaṃ sāmo mātāpettibharo ahu,
Etena sacacavajjena visaṃ sāmasasa haññatu.

4716. Yena saccenayaṃ sāmo kule jeṭṭhāpacāyiko,
Etena sacacavajjena visaṃ sāmasasa haññatu.

4717. Yena saccenayaṃ sāmo pāṇā piyataro mama,
Etena sacacavajjena visaṃ sāmasasa haññatu.

4718. Yaṃ kiñcātthi kataṃ puññaṃ mayhaṃ ca mātuyā ca te,
Saccena tena kusalena visaṃ sāmassa haññatu.
4719. Sā devatā antarahitā pabbate gandhamādane,
Sāmassa anukampāya imaṃ saccamābhasatha.

4720. Pabbatyāhaṃ gandhamādane cirarattanivāsinī,
Na me piyataro koci añño sāmā1- na vijjati.
Etena saccavajjena visaṃ sāmassa haññatu.

4721. Sabbe vanā gandhamayā pabbate gandhamādane,
Etena sacacavajjena visaṃ sāmasasa haññatu.

[PTS Page 093] [\q 93/]
4722. Sāmo hamasmi bhaddaṃ bahuṃ kāruññasaṃhitaṃ,
Khippaṃ sāmo samuṭṭhāsi yuvā kalyāṇadassano.

4723. Samo hamasmi bhaddaṃ vo sotthināmhi samuṭṭhito,
Mā bāḷhaṃ paridevetha mañjunābhivadetha maṃ.

4724. Svāgatante mahārāja atho te adurāgataṃ,
Issarosi anupapatto yaṃ idhatthi pavedaya.

1. Samo - machasaṃ, sāmena - syā

[BJT Page 074] [\x 74/]

4725. Tindukāni1- piyālāni madhuke kāsumāriyo,
Phalāni khuddakappāni bhuñja rāja vara varaṃ.

4726. Atthi maṃ pāṇiyaṃ sītaṃ ābhataṃ girigabbharā,
Tato piva mahārāja sace tvaṃ abhikaṅkhasi.

4727. Sammuyhāmi pamuyhāmi sabbā muyhanti me disā,
Petaṃ taṃ sāma addakkhiṃ2- konu tvaṃ sāma jivasi.

4728. Api jīvaṃ mahārāja purisaṃ gāḷhavedanaṃ,
Upanitamanasaṅkappaṃ jivantaṃ maññate mataṃ.
4729. Api jīvaṃ mahārāja purisaṃ gāḷhavedanaṃ,
Taṃ nirodhagataṃ santaṃ jivantaṃ maññate mataṃ.
[PTS Page 094] [\q 94/]
4730. Yo mātaraṃ vā pitaraṃ vā macco dhammena posati,
Devāpi naṃ tikicchanti mātāpetti bharaṃ janaṃ3-

4731. Yo mātaraṃ vā pitaraṃ vā macco dhammena posati,
Idha ceva naṃ pasaṃsanti pecca sagge ca modati.

4732. Esa bhiyyo pamuyhāmi sabbā muyhanti medisā,
Saraṇaṃ taṃ sāma gacchāmi tvañca me saraṇaṃ bhavā

4733. Dhammaṃ cara mahārāja mātāpitusu khattiya,
Idha dhammaṃ caritvāna rāja saggaṃ gamisassi.
4734. Dhammaṃ cara mahārāja puttadāresu khattiya,
Idha dhammaṃ caritvāna rāja saggaṃ gamisassi.
4735. Dhammaṃ cara mahārāja mittāmaccesu khattiya,
Idha dhammaṃ caritvāna rāja saggaṃ gamisassi.
4736. Dhammaṃ cara mahārāja vāhanesu balesu ca,
Idha dhammaṃ caritvāna rāja saggaṃ gamisassi.
1. Tiṇḍunānitipi pātho 2. Mamadakkhi - machasaṃ 3. Naraṃ - machasaṃ, syā

[BJT Page 078] [\x 78/]
4737. Dhammaṃ cara mahārāja gāmesu nigamesu ca,
Idha dhammaṃ caritvāna rāja saggaṃ gamisassi.
4738. Dhammaṃ cara mahārāja raṭṭhesu janapadesu ca,
Idha dhammaṃ caritvāna rāja saggaṃ gamisassi.
4739. Dhammaṃ cara mahārāja samaṇabrāhmaṇesu ca,
Idha dhammaṃ caritvāna rāja saggaṃ gamisassi.
4740. Dhammaṃ cara mahārāja migapakkhisu khattiyā,
Idha dhammaṃ caritvāna rāja saggaṃ gamisassi.
4741. Dhammaṃ cara mahārāja dhammo ciṇṇo sukhāvaho,
Idha dhammaṃ caritvāna rāja saggaṃ gamisassi.
4742. Dhammaṃ cara mahārāja dhammo ciṇṇo sukhāvaho,
Idha dhammaṃ caritvāna sa indā devā sabrahmakā;
Suciṇṇena divaṃ sattā mā dhammaṃ rāja pamādoti.
Sāmajātakaṃ tatiyaṃ.

4. Nimijātakaṃ
[PTS Page 097] [\q 97/]
4743. Accheraṃ vata lokasmiṃ upapajjanti vicakkhaṇā,
Yadā ahu nimirājā paṇḍito kusalatthiko.

4744. Rājā sabbavidebhānaṃ adā dānaṃ arindamo,
Tassa taṃ dadato dānaṃ saṅkeppā udapajjatha.
Dānaṃ vā brahmacariyaṃ vā katamaṃsu mahapphalaṃ.

[PTS Page 098] [\q 98/]
4745. Tassa saṅkappamaññāya maghavā devakuñajaro,
Sahassanetto pāturahu vaṇṇena nibhataṃ tamaṃ.

[BJT Page 080] [\x 80/]
4776. Sa lomahaṭṭho manujindo vāsavaṃ avacā nimi,
Devatānusi gandhabbo ādu sakko purindado.

4747. Na ca me tādiso vaṇṇo diṭṭho vā yadi vā suto,
Ācikkha me tvaṃ bhaddante kathaṃ jānemu taṃ mayaṃ.

4748. Sa lomahaṭṭhaṃ ñatvāna vāsavo avacā nimiṃ,
Sakkohamasmi devindo āgatosmi tavantiko.

4749. Alomahaṭṭho manujinda puccha pañhaṃ yadicchasi1-
So ca tena kātokāso vāsavaṃ avacā nimi.

4750. Pucachāmi taṃ mahābāhu sabbabhūtānamissara,
Dānaṃ vā brahmacariyaṃ vākatamaṃsu mahapphalaṃ

4751. So puṭṭho naradevena vāsavo avacā nimiṃ,
Vipākaṃ brahmacariyassa jānaṃ akkhāsajānato

4752. Hītena brahmacariyena khattiye upapajjati,
Majjhimena ca devantaṃ uttamena visujjhati.

4753. Nahete pulabhā kāyā yāvayogena kenaci,
Yo kāye upapajjanti anāgārā tapassino.

[PTS Page 099] [\q 99/]
4754. Dudipo dāgāro selo mucalindo bhagīraso,
Usinaro2- aṭṭhako ca assako ca puthujjano,

4755. Ete caññe ca rājāno khattiyā brahmaṇā bahu,
Puthu yaññaṃ yajitvāna petaṃ te nātivattisuṃ.

4756. Ye ve adutiyā na ramalanti ekikā
Vivekajaṃ ye na labhanti pitiṃ,
Kiñcāpi te indasamānabhogā
Te ve parādhinasukhā varākā.

1. Yamicchasi - machasaṃ 2. Usindaro - machasaṃ usinaro - vi

[BJT Page 082] [\x 82/]
4757. Addhā ime1- avattiṃsu anāgarā tapassino,
Sattisayo yāmahanu somayāgo2- manojavo,

4758. Samuddo māgho bharato ca3- isikālikarakkhiyo, 4-
Aṃgiraso kassapo ca kisavaccho akitti ca. 5-

[PTS Page 100] [\q 100/]
4759. Uttarena nadi sidā gambhirā duratikkamā,
Naḷaggivaṇṇā jotanti sadā kañcanapabbatā.

4760. Parūḷhakacchā tagarā rūḷhakacchā vanā nagā,
Tatrāsuṃ dasasabhassāni porāṇā isayo pure.

4761. Ahaṃ seṭṭhosmi dānena saṃyamena damena ca,
Anuttaraṃ vataṃ katvā pakiracāri samahite.

4762. Jātimantaṃ ajaccaṃ ca ahamujjugataṃ naraṃ,
Ativelaṃ namassissaṃ kammabandhu hi mātiyā6-

4763. Sabbe vaṇaṇā adhammaṭṭhā patanati nirayaṃ adho,
Sabbe vaṇaṇā nirujjhanti7- caritvā dhammamuttamaṃ.

[PTS Page 102] [\q 102/]
4764. Idaṃ vatvāna maghavā devarājā sujampati,
Vedehaṃ anusāsitvā saggakāyaṃ apakkami.

4765. Imaṃ honto nisāmetha yāvantettha samāgatā,
Dhammikānaṃ manusasānaṃ vaṇaṇaṃ uccāvacaṃ bahuṃ.

4766. Yathā ayaṃ nimirājā paṇḍito kusalatthiko,
Rājā sabbavidehānaṃ adā dānaṃ arindamo.

4767. Tassa taṃ dadako dānaṃ saṅkappo udapajjatha,
Dānaṃ vā brahmacariyaṃ vā katamaṃsu mahappalaṃ.

1. Atha ime - machasaṃ 2. Somayāmo - machasaṃ 3. Bharado ca - machasaṃ
4. Isikālapurakkhato - machasaṃ 5. Akanati ca - machasaṃ 6. Māṇavā - machasaṃ
7. Visujjhanti - vi machasaṃ.

[BJT Page 084] [\x 84/]
[PTS Page 103] [\q 103/]
4768. Abbhuto vata lokasmiṃ uppajji lomahaṃsano,
Dibbo ratho pāturahu vedehassa yasassino.

[PTS Page 104] [\q 104/]
4769. Devaputto hiddhiko mātalī devasārathi,
Nimantiyitthi rājānaṃ vedehaṃ mithilaggahaṃ.

4770. Ehimaṃ rathamāruyha rājaseṭṭha disampati,
Devā dassanakāmā te tāvatiṃsā saindakā
Saramānā hi te devā sudhammāyaṃ samacchare.

4771. Tato ca rājā taramāno vedeho mithilaggaho,
Āsanā vuṭṭhahivona pamukho rathamāruhi.

4772. Abhirūḷhaṃ ethaṃ dabbaṃ mātalī etadabravi,
Kena taṃ nemi maggena rājaseṭṭha disampati.
Yena vā pāpakammantā puññakammā ca ye narā.

4773. Ubhayeneva maṃ nehi mātalī devasārathi,
Yena vā pāpakammantā puññakammā ca ye narā.

4774. Kena taṃ paṭhamaṃ nemi rājaseṭṭha disampati,
Yena vā pāpakammantā puññakammā ca ye narā.

[PTS Page 105] [\q 105/]
4775. Niraye1- tāva passāmi āvāse2- pāpakamminaṃ,
Ṭhānāni luddakammānaṃ dussilānaṃ ca yā gati.

4776. Dassesi mātalī rañño duggaṃ vetaraṇiṃ nadiṃ,
Kuthantiṃ3- khārasaṃyuttaṃ tattaṃ aggisikhumaṃ.

1. Nirayaṃ - machasaṃ 2. Āvāsaṃ - machasaṃ 3. Kuṭṭhitaṃ - machasaṃ

[BJT Page 086] [\x 86/]
[PTS Page 106] [\q 106/]
4777. Nimi bhave mātalīṃ ajjhabhāsatha
Disvā janaṃ patamānaṃ vidugge,
Bhayaṃ hi maṃ vindati suta disvā
Pucchāmi taṃ mātalī devasārathi
Ime nu maccā kimakaṃsu pāpaṃ
Yeme janā vetaraṇi1- pattati.

4778. Tassa puṭṭho viyākāsi mātali devasārathi,
Vipākaṃ pāpa kammānaṃ jānaṃ akkhāsajānato2-

4779. Ye dubbale balavanto jivaloke
Hiṃsenti rosenti supāpadhammā,
Te luddakammā pasavetvā pāpaṃ
Te ve janā vetaraṇi patanti.

4780. Sāmā ca soṇā sabalā ca gijjhā
Kākoḷasaṅghā ca adenti bheravā;
Bhayaṃ hi maṃ vindati suta disvā
Pucchāmi taṃ mātali devasārathi
Ime nu maccā kimakaṃsa pāpaṃ
Yayimaṃ janaṃ3- kākoḷā adenti.

4781. Tassa puṭṭho viyākāsi mātali devasārathi,
Vipākaṃ pāpa kammānaṃ jānaṃ akkhāsajānato

4782. Ye keci me maccharino kadariyā
Parihāsakā samaṇabrāhmaṇānaṃ
Hisenti rosenti supāpadhammo,
Te luddakamamā pasavetvā pāpaṃ
Tayimaṃ janaṃ kākoḷā adenti.

[PTS Page 107] [\q 107/]
4783. Sajotibhūtā paṭhaviṃ kamanti
Tatetehi khandhehi ca pothayanti pucchāmi taṃ mātali devasārathi
Ime nu maccā kimakaṃsu pāpaṃ
Yeme janā khandhahatā sayanti.

4784. Tassa puṭṭho viyākāsi mātali devasārathi,
Vipākaṃ pāpakammānaṃ jānaṃ akkhāsajānato

1. Vettaraṇiṃ - machasaṃ 2. Akkhāsi - machasaṃ, syā 3. Ye me jane - machasaṃ, syā.

[BJT Page 088] [\x 88/]
4785. Ye jivalokasmiṃ supāpadhammino
Narañca nāriñca apāpadhammaṃ;
Hiṃsenti rosenti supāpadhammā
Te luddakammā pasavetthā1- pāpaṃ
Teme janā khandhatā sayanti.

[PTS Page 108] [\q 108/]
4786. Aṅgakāsuṃ apare thananti
Narā rudantā paridaḍḍhagantā;
Bhayaṃ hi maṃ vindati suta disvā
Pucchāmi taṃ mātali devasārathi,
Ime nu maccā kimakaṃsu pāpaṃ
Yeme janā aṅgārakāsuṃ thananti2-

4787. Tassa puṭṭho viyākāsi mātali devasārathi,
Vipākaṃ pāpakammānaṃ jānaṃ akkhāsajānato

4788. Ye keci pugāyatanassa hetu
Sakkhiṃ karitvā iṇaṃ jāpayanti;
Te jāpayitvā janataṃ janinda
Te luddakammā pasavetvā pāpaṃ
Teme janā aṅgārakāsuṃ thananti

4789. Sajotibhūtā jalitā padittā
Padissati mahati lohakumhī;
Bhayaṃ hi maṃ vindati suta disvā
Ime nu maccā kimakaṃsu pāpaṃ
Pucchāmi taṃ mātali devasārathi
Yeme janā avaṃsirā lohakumbhiṃ patanti.

4790. Tassa puṭṭho viyākāsi mātali devasārathi,
Vipākaṃ pāpa kammānaṃ jānaṃ akkhāsajānato

4791. Ye sīlavaṃ samaṇaṃ brāhmaṇaṃ vā
Hiṃsenti rosenti3- supāpadhammino;
Te luddakammā pasavetvā pāpaṃ
Tome janā (avaṃsirā) lohakumbhiṃ patanti.

1. Pasavetvāna - machasaṃ 2. Punanti - machasaṃ 3. Hiṃsanti rosanti - machasaṃ

[BJT Page 090] [\x 90/]
[PTS Page 109] [\q 109/]
4792. Luñcenti givaṃ atha veṭhayitvā1-
Uṇhodakasmiṃ pakiledayitvā;
Bhayaṃ hi maṃ vindati suta disvā
Pucchāmi taṃ mātali devasārathi
Ime nu maccā kimakaṃsu pāpaṃ
Yeme janā luttasirā2- sayanti.

4793. Tassa puṭṭho viyākāsi mātali devasārathi,
Vipākaṃ pāpa kammānaṃ jānaṃ akkhāsajānato

4794. Ye jivalokasmiṃ supāpadhammino
Pakkhi gahetvāna viheṭhayanti
Te heṭhayitvā3- sakuṇaṃ janinda
Te luddakammā pasavetvā pāpaṃ
Teme janā luttasirā sayanti.

4795. Pahuta4- toyā anikhātakulā5-
Nadi ayaṃ sandati supatitthā;
Ghammābhitantā manujā pivanti
Pivatañca6- tesaṃ bhusaṃ hoti pāni.

4796. Bhayaṃ hi maṃ vindati suta disvā
Pucchāmi taṃ mātali devasārathi,
Ime nu maccā kimakaṃsu pāpaṃ
Pivatañca6- tesaṃ bhusaṃ hoti pāni.

[PTS Page 110] [\q 110/]
4797. Tassa puṭṭho viyākāsi mātali devasārathi,
Vipākaṃ pāpa kammānaṃ jānaṃ akkhāsajānato

4798. Ye suddhadhaññaṃ palāpena7- missaṃ
Asuddhakammā kayino dadanti,
Ghammābhitantānaṃ pipāsitānaṃ
Pivatañca tesaṃ bhusaṃ hoti pāni.

1. Aviheṭṭhayitvā - machasaṃ 2. Luñcasirā - machasaṃ 3. Viheṭhayitvā - machasaṃ 4. Pahutta - machasaṃ 5. Anigādhakulā - machasaṃ 6. Pitañca - machasaṃ 7. Palāsena - machasaṃ.

[BJT Page 092] [\x 92/]
4799. Usuhi sattihi ca tomarehi
Dubhayāni passāni tudanti kandataṃ,
Bhayaṃ hi maṃ vindati suta disvā
Pucchāmi taṃ mātali devasārathi
Ime nu maccā kimakaṃsu pāpaṃ
Yeme janā sattihatā sayanti.

4800. Tassa puṭṭho viyākāsi mātali devasārathi,
Vipākaṃ pāpa kammānaṃ jānaṃ akkhāsajānato

4801. Ye jivalokasmiṃ asādhukammino,
Adinnamādāya karonti jivikaṃ,
Dhaññaṃ dhanaṃ rajataṃ jātarūpaṃ
Ajeḷakaṃ cāpi pasuṃ mahīsaṃ1-
Te luddakammā pasavetvā pāpaṃ
Teme janā sattihatā sayanti.

[PTS Page 111] [\q 111/]
4802. Gīvāya baddhā kissa ime puneke
Aññe vikattā2- bilakatā puneke
Bhayaṃ hi maṃ vindati suta disvā
Pucchāmi taṃ mātali devasārathi,
Ime nu maccā kimakaṃsu pāpaṃ
Yeme janā bilakatā sayantī,

4803. Tassa puṭṭho viyākāsi mātali devasārathi,
Vipākaṃ pāpa kammānaṃ jānaṃ akkhāsajānato

4804. Orabbhikā sukarikā ca macchikā
Pasuṃ mahisañca ajeḷakañca
Hanatvāna sunesu pasārayiṃsu
Te luddakammā pasavetvā
Teme janā bilakatā sayanti.

4805. Rahado ayaṃ muttakarīsapuro
Duggandharūpo asucī puti vāyati
Khudā3- paretā manujā adenti4-
Bhayaṃ hi maṃ vindati suta disvā
Pucchāmi taṃ mātali devasārathi,
Ime nu maccā kimakaṃsu pāpaṃ
Yeme janā muttakarīsabhakkhā.

1. Mahisaṃ - machasaṃ 2. Vikantā - machasaṃ 3. Khuddā - machasaṃ
4. Pivanti - aṭṭhakathā.

[BJT Page 094] [\x 94/]
4806. Tassa puṭṭho viyākāsi mātali devasārathi,
Vipākaṃ pāpa kammānaṃ jānaṃ akkhāsajānato

[PTS Page 112] [\q 112/]
4807. Ye keci me kāraṇikā virosakā
Paresaṃ bhiṃsāya sadā niviṭṭhā
Te luddakammā pasavetvā pāpaṃ
Mittadaduno mīḷhamadenti bālā
Rahado ayaṃ lohitapubbapuro
Duggandharūpo asucī puti vāyati.

4808. Ghammābhintā manujā pivanti
Bhayaṃ hi maṃ vindati suta disvā,
Pucchāmi taṃ mātali devasārathi,
Ime nu maccā kimakaṃsu pāpaṃ
Yeme janā lohitapubbabhakkhā.

4809. Tassa puṭṭho viyākāsi mātali devasārathi,
Vipākaṃ pāpa kammānaṃ jānaṃ akkhāsajānato

4810. Ye mātaraṃ vā pitaraṃ vā jivaloke
Pārājikā arahante hananti.
Te luddakammā pasavetvā pāpaṃ
Teme janā lohatapubbakkhā.

[PTS Page 113] [\q 113/]
4811. Jivhañca passa khalisena viddhaṃ
Vihataṃ yathā saṅkusatena cammaṃ;
Phandanti macchāva thalamhi khittā
Muñcanti kheḷaṃ rudamānā kimete.

4812. Bhayaṃ hi maṃ vindati suta disvā,
Pucchāmi taṃ mātali devasārathi,
Ime nu maccā kimakaṃsu pāpaṃ
Yeme janā vaṅkaghastā sayanti.

4813. Tassa puṭṭho viyākāsi mātali devasārathi,
Vipākaṃ pāpa kammānaṃ jānaṃ akkhāsajānato

4814. Ye keci yanthānagatā manussā
Agghena agghaṃ kayaṃ hāpayanti1-
Kūṭena kūṭaṃ dhanalobhahetu,
Channaṃ yathā vāricaraṃ vadhāya.

1. Kalaṃ hāpayanti - machasaṃ

[BJT Page 096] [\x 96/]
4815. Na hi kūṭakārissa bhavanti tāṇā
Sakehi kammehi purakkhatassa, 1-
Te luddakammā pasavetvā pāpaṃ
Te me janā vaṅkaghastā sayanti.

4816. Nariyo2- imā samparibhintagantā
Paggayha kandanti bhuje dujacca,
Sammakkhitā lohitapubbalintā
Gāvo yathā āghātane vikattā3-
Tā bhumibhāgasmiṃ sadā nikhātā
Khandhātivattanti sajotibhūtā,

[PTS Page 114] [\q 114/]
4817. Bhayaṃ hi maṃ vindati suta disvā,
Pucchāmi taṃ mātali devasārathi,
Ime nu maccā kimakaṃsu pāpaṃ
Yā bhūmibhāgasmiṃ sadā nikhātā
Khandhātivattanti sajotibhūtā.

4818. Tassa puṭṭho viyākāsi mātali devasārathi,
Vipākaṃ pāpa kammānaṃ jānaṃ akkhāsajānato

4819. Koliniyāyo4- idha jivaloke
Asuddhakammā asataṃ acāruṃ5-
Tā dinnarūpā6- pativippahāya,
Aññaṃ acāruṃ ratikhiḍḍahetu
Tā jivalokasmiṃ ramāpiyitvā
Khandhātivattanti sajotibhūtā.

[PTS Page 115] [\q 115/]
4820. Pāde gahetvā kissa ime puneke
Avaṃsirā narake pātayanti. Bhayaṃ hi maṃ vindati suta disvā,
Pucchāmi taṃ mātali devasārathi,
Ime nu maccā kimakaṃsu pāpaṃ
Ye me janā avaṃsirā narake pātayanti.

1. Purakkhitassa - machasaṃ 2. Nārino - machasaṃ 3. Vikantā - machasaṃ
4. Kolitthiyāyo - machasaṃ, syā 5. Acaruṃ - machasaṃ 6. Kittharūpā - machasaṃ

[BJT Page 098] [\x 98/]
4821. Tassa puṭṭho viyākāsi mātali devasārathi,
Vipākaṃ pāpa kammānaṃ jānaṃ akkhāsajānato

4822. Ye jivalokasmiṃ asādhukammino
Parassa dārāni atikkamanti,
Te tādisā uttamabhaṇḍathenā
Te me janā avaṃsirā narake pātayanti.

4823. Te vassapugāni bahuni tattha
Niraye dukkhaṃ vedanaṃ vedayanti,
Nahi pāpakārissa bhavanti tāṇā
Sakehi kammehi purakkhatassa
Te luddakammā pasavetvā pāpaṃ.
Te me janā avaṃsirā narake pātayanti.

4824. Uccāvacāme vividhā upakkamā
Nirayesu dissanti sughorarūpā
Bhayaṃ hi maṃ vindati suta disvā,
Pucchāmi taṃ mātali devasārathi,
Ime nu maccā kimakaṃsu pāpaṃ
Yeme janā adhimattā dukkhā tibbā

Khārā kaṭukā vedanā vedayanti.

4825. Tassa puṭṭho viyākāsi mātali devasārathi,
Vipākaṃ pāpa kammānaṃ jānaṃ akkhāsajānato

[PTS Page 116] [\q 116/]
4826. Ye jivalokasmiṃ supāpadiṭṭhino
Vissāsakammāni karonti mohā;
Parañca diṭṭhisu samādapenti
Te pāpādiṭṭhi pasavetvā1- pāpaṃ
Te me janā adhimattā dukkhā tibbā
Kharā kaṭukā vedanā vedayanti.

4827. Viditāni te mahārāja āvāsaṃ pāpakamminaṃ,
Ṭhānāni luddakammānaṃ dussilānañca yā gati;
Uyyāhidāni rājisi devarājassa santike.
Nirayakaṇḍaṃ niṭṭhitaṃ.

1. Pasavetvāna - machasaṃ
[BJT Page 100] [\x 100/]
[PTS Page 117] [\q 117/]
4828. Pañcathupaṃ dissatidaṃ vimānaṃ
Mālā piḷandhā sayanassa majjhe,
Tatthacchati nāri mabhānubhāvā
Uccāvacaṃ iddhiṃ vikubbamānā.

4829. Vittī hi maṃ vindati suta disvā
Pucchāmi taṃ mātali devasārathi,
Ayaṃ nu nārī kimakāsi sādhuṃ
Yā modati saggapattā vimāne.

4830. Tassa puṭṭho viyākāsi mātali devasārathi,
Vipākaṃ puññakammānaṃ jānaṃ akkhāsajānato

4831. Yadi te sutā khiraṇi jivaloke
Āmāya dāsī ahu brāhmaṇassa,
Sā pattakālaṃ atithiṃ viditvā
Mātāva puttaṃ sakimābhinandi.
Saññamā saṃvibhāgā ca
Sā vimānasmiṃ modati.

[PTS Page 118] [\q 118/]
4832. Daddallamānā ābhenti1- vimānā satta nimmitā,
Tattha yakkho mahiddhiko sabbābharaṇabhūsito
Samantā anupariyāti nārigaṇapurakkhato.

4833. Vitti hi maṃ vindati suta disvā
Pucchāmi taṃ mātali devasārathi,
Ayaṃ nu macco kimakāsi sādhuṃ
Yo modati saggapatto vimāne.

4834. Tassa puṭṭho viyākāsi mātali devasārathi,
Vipākaṃ puññakammānaṃ jānaṃ akkhāsajānato

4835. Soṇaditto gahapati esa dānapati ahu,
Esa pabbajituddissa vihāre satta kārayi.

4836. Sakkaccaṃ te upaṭṭhāsi bhikkhavo tattha vāsike,
Acchādanañca bhattañca senāsanapadipiyaṃ;
Adāsi ujubhutesu vippasannena cetasā.

4837. Cātuddasiṃ pañcadasiṃ yāva pakkhassa aṭṭhamiṃ,
Pāṭihāriyapakkhañca aṭṭhaṅgasusamāgataṃ2-

1. Āhanti - machasaṃ 2. Aṭṭhaṅgaṃ susamāhitaṃ - machasaṃ, syā

[BJT Page 102] [\x 102/]
4838. Uposathaṃ ca upacasi sadā sīlesu saṃvuto,
Saṃyamo saṃvibhāgo ca so vimānasmiṃ modati.

[PTS Page 119] [\q 119/]
4839. Pabhāsati idaṃ vyambhaṃ eḷikāsu sunimmitaṃ.
Nārivaragaṇākiṇṇaṃ kuṭāgāravarocitaṃ
Upetaṃ annapānehi naccagītehi cubhayaṃ.

4840. Vitti hi maṃ vindati suta disvā
Pucchāmi taṃ mātali devasārathi,
Imā nu nāriyo kimakaṃsu sādhuṃ.
Yo modare saggapattā vimāne.

4841. Tassa puṭṭho viyākāsi mātali devasārathi,
Vipākaṃ paññakammānaṃ jānaṃ akkhāsajānato

4842. Yā kāci nāriyo idha jivaloke
Sīlavatiyo1- upāsikā,
Dāne ratā niccapasannacittā
Sacce ṭhitā uposathe appamattā.
Saṃyamā saṃvibhāgā ca tā vimānasmiṃ modare.

[PTS Page 120] [\q 120/]
4843. Pabhāsati idaṃ vyambhaṃ veḷuriyāsu nimmitaṃ,
Upetaṃ bhūmibhāgehi vibhattaṃ bhāgaso mitaṃ.

4844. Āḷambarā mutiṅgā ca naccagitā suvāditā,
Dibbā saddā niccaranti savaṇeyyā manoramā.

4845. Nāhaṃ evaṃ gataṃ jātu evaṃ suruciraṃ pure,
Saddaṃ samabhijānāmi diṭṭhaṃ vā yadi vā sutaṃ.

4846. Vitti hi maṃ vindati suta disvā
Pucchāmi taṃ mātali devasārathi,
Ime nu maccā kimakaṃsu pāpaṃ
Ye modare saggapattā vimāne.

4847. Tassa puṭṭho viyākāsi mātali devasārathi,
Vipākaṃ puññakammānaṃ jānaṃ akkhāsajānato

4848. Ye keci maccā idha jivaloke sīlavanto upāsakā,
Ārāme udapāne ca papā saṅkamanāni ca.
Arahante sītibhūte2- sakkaccaṃ paṭipādayuṃ.

1. Silavaniyo - machasaṃ 2. Bhūtesu - machasaṃ

[BJT Page 104] [\x 104/]
4849. Civaraṃ piṇḍapātañca paccayaṃ sayanāsanaṃ,
Adaṃsu ujubhutesu vippasantena cetasā.

4850. Cātuddasiṃ pañcadasiṃ yāva pakkhassa aṭṭhamiṃ,
Pāṭihāriyapakkhañca aṭṭhaṅgasusamāgataṃ, 1-

4851. Uposathaṃ upavasuṃ sadā sīlesu saṃvutā,
Saññāmā saṃvihāgā ca te vimānasmiṃ modare.

[PTS Page 121] [\q 121/]
4852. Pabhāsati idaṃ vyambhaṃ eḷikāsu sunimmitaṃ,
Nārivaragaṇākiṇṇaṃ kuṭāgāravirocitaṃ.

4853. Upetaṃ antapānehi naccagitehi cubhayaṃ,
Najjo ca anupariyāti nānāpupphadumāyutā.

4854. Vitti hi maṃ vindati suta disvā
Pucchāmi taṃ mātali devasārathi,
Ime nu maccā kimakāsi sādhuṃ
Yo modati saggapatto vimāne.

4855. Tassa puṭṭho viyākāsi mātali devasārathi,
Vipākaṃ puññakammānaṃ jānaṃ akkhāsajānato

4856. Kimbilāyaṃ gahapati esa dānapatī ahu,
Ārāme udapāne ca papā saṅkamanāni ca.

4857. Arahante sītibhūte sakkaccaṃ paṭipādayi,
Civaraṃ piṇḍapātañca pacacayaṃ sayanāsanaṃ,
Adāsi ujubhutesu vippasantena cetasā.

4858. Cātuddasiṃ pañcadasiṃ yāva pakkhassa aṭṭhamiṃ,
Pāṭihāriyapakkhañca aṭṭhaṅgasusamāgataṃ,

4859. Upesathaṃ upavasi sadā sīlesu saṃvuto,
Saññamo saṃvibhāgo ca so vimānasmaṃ modati.
4860. Pabhāsati idaṃ vyambhaṃ eḷikāsu sunimmitaṃ,
Nārivaragaṇākiṇṇaṃ kūṭāgāravarocitaṃ.

[PTS Page 122] [\q 122/]
4861. Upetaṃ annapānehi naccagītehi cubhayaṃ,
Najjo ca anupariyāti nānāpupphadumāyutā.

1. Susamāhitaṃ - machasaṃ 2. Akkhāsi - machaṣaṃ

[BJT Page 106] [\x 106/]
4862. Rājāyanatā kapitthā ambā sālā ca jambuyo,
Tindukā1- ca piyālā ca dumā niccaphalā bahu.

4863. Vitti hi maṃ vindati suta disvā
Pucchāmi taṃ mātali devasārathi,
Ayaṃ nu maccā kimakāsi sādhuṃ
Yo modati saggapatto vimāne.

4864. Tassa puṭṭho viyākāsi mātali devasārathi,
Vipākaṃ puññakammānaṃ jānaṃ akkhāsajānato

4865. Mithilāyaṃ gahapati esa dānapatī ahu,
Ārāme udapāne ca papā saṅkamanāni ca.
Arahante sītibhūte2- sakkaccaṃ paṭipādayi,
4666. Civaraṃ piṇḍapātañca pacacayaṃ sayanāsanaṃ,
Adāsi ujubhutesu vippasantena cetasā.

4867. Cātuddasiṃ pañcadasiṃ yāva pakkhassa aṭṭhamiṃ,
Pāṭihāriyapakkhañca aṭṭhaṅgasusamāgataṃ, 3-

4868. Upesathaṃ upavasi sadā sīlesu saṃvuto,
Saññamo saṃvibhāgo ca so vimānasmaṃ modati.
4869. Pabhāsati idaṃ vyambhaṃ ḷuriyosu nimmitaṃ,
Upetaṃ bhūmibhāgehi vibhattaṃ bhagāso mitaṃ.

4870. Āḷambarā mutiṅgā ca nāccagītā suvāditā,
Dibbā4- saddā niccharanti savaṇeyyā manoramā.

4871. Nāhaṃ evaṃ gataṃ jātu5- evaṃ suruciraṃ6- pure,
Saddaṃ samabhijānāmi diṭaṭhaṃ vā yadi vā sutaṃ.

[PTS Page 123] [\q 123/]
4872. Vitati hi maṃ vindati disvā pucchāmi taṃ mātali devasārathi,
Ayaṃ nu macco kimakāsi sādhuṃ
Yo modati saggapatto vimāne.

1. Kiṇḍukā ca- machasaṃ 2. Sitibhutesu - machasaṃ 3. Susamāhitaṃ - machasaṃ
4. Dibya - machasaṃ 5. Jātaṃ - machasaṃ 6. Suruciyaṃ - machasaṃ

[BJT Page 108] [\x 108/]
4873. Tassa puṭṭho viyākāsi mātali devasārathi,
Vipākaṃ puññakammānaṃ jānaṃ akkhāsajānato

4874. Bāraṇasiyaṃ gahapati esa dānapatī ahu,
Ārāme udapāne ca papā saṅkamanāni ca.
Arahante sītibhū12- sakkaccaṃ paṭipādayi,
4875. Civaraṃ piṇḍapātañca pacacayaṃ sayanāsanaṃ,
Adāsi ujubhutesu vippasantena cetasā.

4876. Cātuddasiṃ pañcadasiṃ yāva pakkhassa aṭṭhamiṃ,
Pāṭihāriyapakkhañca aṭṭhaṅgasusamāgataṃ,

4877. Upesathaṃ upavasi sadā sīlesu saṃvuto,
Saññamo saṃvibhāgo ca so vimānasmaṃ modati.
4878. Yathā udayamādicce hoti lohitako mahā,
Tathupamaṃ idaṃ vyambhaṃ jātarūpassa nimmitaṃ.

4879. Vitati hi maṃ vindati disvā pucchāmi taṃ mātali devasārathi,
Ayaṃ nu macco kimakāsi sādhuṃ
Yo modati saggapatto vimāne.

4880. Tassa puṭṭho viyākāsi mātali devasārathi,
Vipākaṃ puññakammānaṃ jānaṃ akkhāsajānato

4881. Sāvatthiyaṃ gahapati esa dānapatī ahu,
Ārāme udapāne ca papā saṅkamanāni ca.
Arahante sītibhūte sakkaccaṃ paṭipādayi,
4882. Civaraṃ piṇḍapātañca pacacayaṃ sayanāsanaṃ,
Adāsi ujubhutesu vippasantena cetasā.

4883. Cātuddasiṃ pañcadasiṃ yāva pakkhassa aṭṭhamiṃ,
Pāṭihāriyapakkhañca aṭṭhaṅgasusamāgataṃ, 2-

4884. Upesathaṃ upavasi sadā sīlesu saṃvuto,
Saṃyamo saṃvibhāgo ca so vimānasmaṃ modati.
[PTS Page 124] [\q 124/]
4885. Vehāsayāme bahukā jātarūpassa nimmitā,
Daddallamānā ābhenti vijjuvabbhaghanantare.

1. Sitibhutesu - machasaṃ 2. Susamāhitaṃ - machasaṃ

[BJT Page 110] [\x 110/]
4886. Vitati hi maṃ vindati disvā pucchāmi taṃ mātali devasārathi,
Ime nu macco kimakaṃsu sādhuṃ
Yo modare saggapatto vimāne.

4887. Tassa puṭṭho viyākāsi mātali devasārathi,
Vipākaṃ puññakammānaṃ jānaṃ akkhāsajānato

4888. Saddhāya suniviṭṭhāya saddhamme suppavedite,
Akaṃsu santhuvacanaṃ sammāsambuddhasāsanaṃ, 1-
Tesaṃ etāni ṭhānāni yāni tvaṃ rāja passasi.

4889. Viditāni te mahārāja āvāsaṃ pāpakamminaṃ,
Atho kalyāṇakammānaṃ ṭhānāni vidatāni te;
Uyyābhidāni rājisi devarājassa santike.
Vimānakaṇḍaṃ niṭṭhitaṃ.

[PTS Page 125] [\q 125/]
4890. Sahassayuttaṃ hayavāhiṃ dibbaṃ yānaṃ adhiṭṭhito,
Yāyamāno mahārājā addā sīdantare nage;
Disvānāmantiyī sutaṃ ime ke nāma pabbatā.

4891. Sudassano karavīko īsadharo yugandharo,
Nemindharo vinatako assakaṇṇo giribrahā.

4892. Ete sidantare nagā anupubbasamuggatā,
Mahārājānamāvāsā yāni tvaṃ rāja passasi.

4893. Anekarūpaṃ ruviraṃ nānāvitraṃ pakāsati,
Ākiṇaṇaṃ indisehi vyaggheheva surakkhitaṃ2-

[PTS Page 126] [\q 126/]
4894. Vitati hi maṃ vindati disvā pucchāmi taṃ mātali devasārathi,
Imaṃ nu dvāraṃ kimbhiññamāhu
(Mānoramaṃ dissati duratova. )3-

1. Sāsane - machasaṃ 2. Purakkhitā - machasaṃ 3. (Ayaṃ pāṭho syāmapotthake yeva dissati. )

[BJT Page 112] [\x 112/]
4895. Tassa puṭṭho viyākāsi mātali devasārathi,
Vipākaṃ puññakammānaṃ jānaṃ akkhāsajānato

4896. Cintakūṭoti yaṃ āhu devarājapavesanaṃ,
Sudassanassa girino dvāraṃ hetaṃ pakāsati.

4897. Anekarūpaṃ ruciraṃ nānācitraṃ pakāsati,
Ākiṇṇaṃ indisadisehi vyaggheve surakkhitaṃ.
Pavisetena rājisi arajaṃ bhumimakkama.

4898. Sahassayuttaṃ hayavāhiṃ dibbaṃ yānaṃ adhiṭṭhito,
Yāyamāno mahārājā addā devasabhaṃ idaṃ.

4899. Yathā sarade ākāso nīlova patidissati,
Tathupamaṃ idaṃ vyambhaṃ veḷuriyāsu nimmitaṃ.

4900. Vitati hi maṃ vindati disvā pucchāmi taṃ mātali devasārathi,
Imaṃ nu vyambhaṃ kimabhiññamāhu.
4901. Tassa puṭṭho viyākāsi mātali devasārathi,
Vipākaṃ puññakammānaṃ jānaṃ akkhāsajānato

[PTS Page 127] [\q 127/]
4902. Sudhammaṃ iti yamāhu passesā dissate sabhā,
Veḷuriyā rucirā citrā dhārayanti sunimmitā.

4903. Aṭṭhaṃsā sukatā thambhā sabbe veḷuriyāmayā,
Yattha devā tāvatiṃsā sabbe indapurohitā.

4904. Atthaṃ devamanussānaṃ cintayantā samacchare,
Pavisetena rājisi devānaṃ anumodanaṃ.

4905. Taṃ devā paṭinandiṃsu disvā rājānamāgataṃ,
Svāgataṃ te mahārāja atho te adurāgataṃ.

4906. Nisidadāni rājisi devarājassa santike,
Sakkopi paṭinandittha vedehaṃ mithilaggahaṃ.

[BJT Page 114] [\x 114/]
4907. Nimantayi ca1- kāmehi āsanena ca vāsavo, sādhu khosi anuppatto āvāsaṃ vasavantinaṃ.

4908. Vasa devesu rājisi sabbakāmasamiddhisu,
Tāvatiṃsesu devesu bhuñja kāme amānuse.

4909. Yathā yācitakaṃ yānaṃ yathā yācitakaṃ dhanaṃ,
Evaṃ sammapadamevetaṃ yaṃ parato dānapaccayā.

[PTS Page 128] [\q 128/]
4910. Nacāhametaṃ icchāmi yaṃ parato dānapaccayā,
Sayaṃ katāni puññāni taṃ me āveṇiyaṃ dhanaṃ.

4911. Sohaṃ gantvā samussesu kāhāmi kusalaṃ bahuṃ,
Dānena samacariyāya saṃyamena damena ca;
Yaṃ katvā sukhito hoti na ca pacchānutappati.

4912. Bahupakāro no bhavaṃ mātalī devasārathi,
Yo me kalyāṇakammānaṃ pāpāni2- paṭidassayi.

[PTS Page 129] [\q 129/]
4913. Idaṃ vatvā nimirājā vedeho mithilaggabho,
Puthuyaññaṃ yajitvāna saññamaṃ ajjhupāgamīti.
Nimijātakaṃ catutthaṃ.

1. Nimantayittha - machasaṃ 2. Pāpānaṃ pacidassayi - machasaṃ

[BJT Page 116] [\x 116/]
5. Khaṇḍahālajātakaṃ.
[PTS Page 132] [\q 132/]
4914. Rājāsi luddakammo1- ekarājāti pupphavatiyā, 2-
So pucchi brahmabandhuṃ khaṇḍahālaṃ purohitaṃ muḷhaṃ.

4915. Saggānamaggamācikkha tvaṃsi brāhmaṇa dhammavinayakusalo,
Yathā ito vajanti sugatiṃ narā puññāni katvāna.

4916. Atidānaṃ daditvāna3- avajjhe deva ghātetvā,
Evaṃ vajanti sugatiṃ narā puññāni katvāna.

4917. Kiṃ pana taṃ4- atidānaṃ ke ca avajjhā imasmiṃ lokasmiṃ,
Etañca kho no akkhāhi yajissāma dadāma dānāni.

[PTS Page 133] [\q 133/]
4918. Puttehi deva yajitabbaṃ mahesīhi negamehi ca usabhehi,
Ājāniyehi catūhi sabbacatukkena deva yajitabbaṃ.

4919. Taṃ sutvā antepure kumārā ca mahesiyo ca baññantu,
Eko ahosi nigghoso bhesmā5 accuggato saddo.

[PTS Page 134] [\q 134/]
4920. Gacchatha vadetha kumāre vandaṃ suriyaṃ ca bhaddasenañca,
Surañca vāmagontaṃ pasurā6- kira hotha yaññatthāya.

4921. Kumāriyopi vadetha upaseniṃ7- kokilañca muditañca,
Nandañcāpi kumāriṃ pasurā kira bhotha yaññatthāya.

4922. Vijayampi mayhaṃ mahesiṃ erāvatiṃ kesinaṃ sunandañca,
Lakkhaṇavarūpapannā pasurā kira hotha yaññatthāya.

[PTS Page 135] [\q 135/]

4923. Gahapatayopi vadetha puṇaṇamukhaṃ bhaddiyaṃ sigālañca,
Vaḍḍhañcāpi gahapatiṃ pasurā kira hotha yaññatthāya.

1. Luddakapposi - machasaṃ 2. Pupphavatiyāyaṃ - machasaṃ, syā vi
3. Dadatvāna - machasaṃ 4. Panetaṃ - machasaṃ, syā vi.
5. Bhismā - machasaṃ 6. Pavurā - machasaṃ 7. Upasenaṃ - machasaṃ

[BJT Page 118] [\x 118/]
4924. Te tattha gahapatayo avociṃsu samāgatā puttadāra parikiṇaṇā,
Sabbasikhino deva karohi athavā no dāse sāvehi.

4925. Abhayaṅkarampi me hatthiṃ nālāgiraṃ accutaṃ varuṇadantaṃ,
Anetha kho ne khippaṃ yaññatthāya bhavissanti.

4926. Assaratanampi kesiṃ surāmukhaṃ puṇaṇakaṃ vinatakañca,
Ānetha kho ne khippa yaññatthāya bhavissanti.

[PTS Page 236] [\q 236/]
4927. Usabhampi yuthapatiṃ anojaṃ nisabhaṃ gavampatiṃ
Samupākarontu sabbaṃ yajisasāma dadāma dānāni.

4928. Sabbaṃ paṭiyādetha yaññaṃ pana uggatambhi suriyambhi,
Āṇāpetha ca kumāre1- abhiramantu imaṃ rattiṃ.
4929. Sabbaṃ upaṭṭhāpetha yaññaṃ pana uggatambhi suriyambhi,
Vadethadāni kumāre ajja vo pacchimā rattiṃ.
4930. Taṃ taṃ mātā avacā rodanti āgatā2- vimānato,
Yañño kira te putta bhavissati catūhi puttehi.

4931. Sabbepi mayhaṃ puttā cattā candāsmiṃ haññamānasmiṃ,
Puttehi yaññaṃ yajitvāna sugatiṃ saggaṃ gamissāmi.

4932. Mā3- putta sadadahesi sugati kira hoti puttayaññena,
Nirayāneso maggo neso maggo hi saggānaṃ.

[PTS Page 137] [\q 137/]
4933. Dānāni dehi koṇḍañña ahiṃsā sabbabhūtabhavyānaṃ,
Esamaggo sugatiyā na ca maggo puttayaññena.

4934. Ācariyānaṃ vacanā ghātessaṃ candañca suriyañca,
Puttehi yajitvāna ducacajehi sugatiṃ saggaṃ gamissāmi.

1. Aṇāpethacandakumāre - machasaṃ 2. Āgantvā - machasaṃ 3. Mā taṃ - machasaṃ syā.

[BJT Page 120] [\x 120/]
4935. Taṃ taṃ pitāpi avacā vasavatti orasaṃ sakaṃ puttaṃ,
Yañño kira te putta bhavissati catūhi puttehi.

4936. Sabbepi mayhaṃ puttā cattā candāsmiṃ haññamānasmiṃ,
Puttehi yaññaṃ yajitvāna sugatiṃ saggaṃ gamissāmi.

4937. Mā putta sadadahesi sugatiṃ kira hoti puttayaññena,
Nirayāneso maggo neso maggo hi saggānaṃ.

4938. Dānāni dehi koṇḍañña ahiṃsā sabbabhūtabhavyānaṃ,
Esamaggo sugatiyā na ca maggo puttayaññena.

4939. Ācariyānaṃ vacanā ghātessaṃ candañca suriyañca,
Puttehi yajitvāna ducacajehi sugatiṃ saggaṃ gamissāmi.

[PTS Page 138] [\q 138/]
4940. Dānāni dehi koṇḍañña ahiṃsā sabbabhūtabhavyānaṃ,
Puttaparivuto tuvaṃ raṭṭhaṃ janapadañca pālehi.
4941. Mā no deva avadhi dāse no dehi khaṇḍahālassa.
Api nigaḷa1- bandhakāpi hatthi asse ca pāpema.

4942. Mā no deva avadhi dāse no dehi khaṇḍahālassa.
Api nigaḷabandhakāpi hatthicchakaṇāni ujjhema.

4943. Mā no deva avadhi dāse no dehi khaṇḍahālassa.
Api niga&#